Feroze Khan Social Media Posts Per Bol Paray Aur Apnay Difaah Main Bhi Unhonay Bayan Jari Kiya Hay.

Feroze Khan Nay Kaha Hay Kay Main Nay Humesha Qanoon Ki Pasdari Ki Aur Kabhi Kisi Ko Nuqsaan Nahe Pauhanchaya.

Unhonay Yeh Bhi Kaha Kay Mera Insaniyat Aur Iss Kay Tamam Rights Per Pura Yaqeen Hay.

Iss Say Qabal, Feroze Khan Ki Sabiqa Bivi Aliza Sultan Nay Khudh Per Kiye Gaey Tashadu’d Kay Evidence Court Main Submit Kerwaei. Inn Main Bataya Gaya Kay 7 July 2022 Aur 10 May 2021 Ko Un Per Apnay Tashadu’d Kia Gaya.

Court Main Paish Ki Gaei Tasaweer Main Ye Sabit Kernay Ki Koshish Ki Gaei Hay Kay Aliza Per Un Kay Ex- Husband Feroze Nay Tashadu’d Kiya Hay.Un Tasaweer Main Aliza Kay Arm Aur Kamar Per Injury Ka Zikar Hay.

Aliza Ki Family Un Ko Medical Treatment Kay Liye Jinnah Postgraduate Medical Centre (JPMC) Lai Gaei Aur Yeh Reports Bhi Court Mai Paish Kerdi Gaei Hain.

Aliza Sultan Kay Lawyer Qasim Shah Kay Mutabiq Feroze Nay 15 Nov 2021 Ko Apni Bivi Ko Tashadu’d Ka Nishana Banaya Tha.

Aliza Kay Statement Kay Mutabik Feroze Say Jhagray Kay Doraan Unka Baita Sultan Bhi Mubaiyana Toar Per Zakhmi Hoa Tha.

Unkay Lawyer Nay Mazeed Yeh Bhi Bataya Tha Kay Jab Aliza Complain Kay Liye Police Station Gaein Tou Feroze Ki Family Nay bhi Un Ko Mubayana Toar Per Threats Diye.

Aliza Nay 21 September 2022 Ko Apnay Instagram Account Per Yeh Post Kiya Tha Kai Woh Apnay Husband Feroze Khan Say Alaihdgi Iktiyaar Ker Rahi Hain.

Iss Mamalay Per Kai Deegaar Actors Nay Bhi Aliza Ki Support Main Tweets Ke Thein Aur Un Ko Hosala Diya Tha.

Share.

Leave A Reply