کچھ اندازہ تو تھا کہ Everything Everywhere All at Once آسکر ایوارڈز میں تہلکہ مچا دے گی لیکن یہ توقع بالکل نہیں تھی کہ پورے 7 آسکرز لے اُڑے گی۔ بہترین فلم، بہترین ڈائریکٹر، بہترین اداکارہ، بہترین سپورٹنگ ایکٹر، بہترین سپورٹنگ ایکٹریس، بہترین اسکرین پلے اور بہترین فلم ایڈیٹنگ بھی، سمجھیں میلہ ہی لوٹ لیا۔
Everything Everywhere All at Once نے 95ویں اکیڈمی ایوارڈز میں کُل 11 نامزدگیاں حاصل کیں۔ اسے بہترین اوریجنل اسکور، بہترین اوریجنل سونگ، بہترین کاسٹیوم ڈیزائن اور بہترین سپورٹنگ ایکٹریس میں ایک مزید نامزدگی بھی ملی۔
یہ فلم کہانی ہے ایک ایسی تارکِ وطن خاتون کی جسے پتہ چلتا ہے کہ multiverse خطرے میں ہے اور اسے parallel universe میں جا کر اپنے ہی دوسرے ورژنز کے ساتھ مل کر اسے بچانا ہوگا۔ فلم ٹھیک ایک سال پہلے ریلیز ہوئی تھی اور اب تک 108 ملین ڈالرز کما چکی ہے یعنی کمرشلی بھی بہت کامیاب ہوئی۔
اس کے بعد سب سے زیادہ چار ایوارڈز All Quiet on the Western Front نے حاصل کیے ہیں۔ یہ فلم پہلی جنگِ عظیم کے ایک جرمن سپاہی کی کہانی ہے جسے میدان میں جا کر جنگ کی ہولناکیوں اور تباہ کاریوں کا اندازہ ہوتا ہے۔ اس جرمن مووی نے بہترین انٹرنیشنل فیچر فلم، بہترین اوریجنل اسکور، بہترین پروڈکشن ڈیزائن اور بہترین سینماٹوگرافی کے آسکرز جیتے ہیں۔
اس اکیڈمی ایوارڈز کی خاص بات یہ ہے کہ اس میں ایشیائی چھائے رہے۔ Michelle Yeoh نے بہترین اداکارہ کا ایوارڈ حاصل کیا اور یہ کارنامہ انجام دینے والی پہلی ایشیائی اداکارہ بنیں۔ پھر بہترین سپورٹنگ ایکٹر کا ایوارڈ بھی اسی فلم کے اداکار Ke Huy Quan کو ملا۔
پیچھے انڈیا بھی نہیں رہا۔ بہترین گانے کی کیٹیگری میں اسے پہلی بار ایک nomination ملی اور جیت بھی گیا۔ یہ فلم RRR کا گانا "ناٹو ناٹو" ہے، جسے بہترین اوریجنل سونگ کا ایوارڈ ملا۔ اس نے گولڈن گلوب ایوارڈ میں بھی بہترین گانے کا ایوارڈ جیتا تھا۔
ویسے حیرت کی بات ہے کہ Top Gun: Maverick کو صرف ایک ایوارڈ ملا، وہ بھی بیسٹ ساؤنڈ کا اور دنیا بھر میں تہلکہ مچانے والی اور اربوں ڈالرز کمانے والی Avatar: The Way of Water بھی صرف ایک ایوارڈ لے پائی، بہترین visual effects کا۔ تو کیا ہائی بجٹ مسالا موویز کا دور ختم ہو چکا ہے؟ لگتا تو کچھ ایسا ہی ہے۔ کم از کم پچھلے 20 سالوں میں تو شاید ہی کبھی کسی مسالا مووی نے بہترین فلم کا ایوارڈ حاصل کیا ہو۔ زیادہ تر یہ اعزاز سنجیدہ فلموں کو ہی مل رہا ہے۔ آپ کیا کہتے ہیں؟
95 ویں اکیڈمی ایوارڈز میں جیتنے والی فلمیں
| کیٹیگری | فاتح |
|---|---|
| بہترین اداکار | برینڈن فریزر (فلم: The Whale) |
| بہترین اداکارہ | مشیل یوہ (فلم: Everything Everywhere All at Once) |
| بہترین ڈائریکٹر | ڈینیئل کوان اور ڈینیل شائنرٹ (فلم: Everything Everywhere All at Once) |
| بہترین اوریجنل سونگ | ناٹو ناٹو (فلم: RRR) |
| بہترین ساؤنڈ | Top Gun: Maverick |
| بہترین ماخوذ اسکرین پلے | Women Talking |
| بہترین اصل اسکرین پلے | Everything Everywhere All at Once |
| بہترین وژوئل افیکٹس | Avatar: The Way of Water |
| بہترین اینیمیٹڈ فلم | Guillermo del Toro’s ‘Pinocchio’ |
| بہترین سپورٹنگ اداکارہ | جیمی لی کرٹس (فلم: Everything Everywhere All at Once) |
| بہترین سپورٹنگ اداکار | کی ہوئی کوان (فلم: Everything Everywhere All at Once) |
| بہترین ڈاکیومنٹری | Navalny |
| بہترین لائیو ایکشن شارٹ | An Irish Goodbye |
| بہترین سینماٹوگرافی | جیمز فرینڈ (فلم: All Quiet on the Western Front) |
| بہترین میک اپ | ایڈریئن موروٹ، جوڈی چن اور اینمیری بریڈلی (فلم: The Whale) |
| بہترین کاسٹیوم ڈیزائن | روتھ کارٹر (فلم: Black Panther: Wakanda Forever) |
| بہترین انٹرنیشنل فلم | All Quiet on the Western Front |
| بہترین ڈاکیومنٹری شارٹ | The Elephant Whisperers |
| بہترین اینیمیٹڈ شارٹ | The Boy, the Mole, the Fox, and the Horse |
| بہترین اوریجنل اسکور | All Quiet on the Western Front |
| بہترین پروڈکشن ڈیزائن | All Quiet on the Western Front |