Avatar: The Way Of Water Release Say Hi Dhoom Macha Rahi Hay. Launch Honay Kay 40 Days Main Hi Movie Nay Box Office Main 2 Billion Dollar Ka Mark Uboor Kerliya Hay. Yeh Movie “All Time List” Main 6th Highest Grossing Movie Baan Chuki Hay. Director James Cameron Ki Yeh 3rd Movie Hay Jis Nay 2 Billion Dollar Ka Historic Mark Cross Kiya Hay. Yani Box Office Bomb Ka Khatra Khatam Ho Gaya.

James Cameron Ki Ye New Blockbuster Movie Covid-19 Kay Baad, Pehli Movie Hai Jis Nay 2 Billion Dollar Ka Milestone Cross Kiya Hay.

Waisay Yeh Movie Zoe Saldaña Kay Liye Bhi Jackpot Sabit Hoi Hai. Woh Iss Movie Main Neytiri Kay Important Character Main Nazar Arahi Hain. Aur Ye Bhi Record Hai Kay 2 Billion Dollar Ka Mark Cross Kernay Wali 6 Movies Main Say 4 Main Zoe Nay Different Roles Ada Kiye Hain. Iss Say Pehlay Woh Avengers: Infinity War Aur Avengers: Endgame Main Bhi Maujood Theen, Aur Gamora Ka Role Ada Kiya Tha.

Iss Movie Nay US Cinemas Main 6th Straight Weekend Record Sales Ki Hay. 2009 Main Avatar Kay Baad Yeh Pehla Moqa Hay Kay Box Office Main Kisi Movie Ko Itni Ziada Maqboliyat Mili Ho.

History Main Is Say Pehlay Sirf 5 Movies Aisi Thein Jinhon Nay 2 Billion Dollars Ka Milestone Paar Kia. Avatar Nay 2.9 Billion USD, Avengers: Endgame Nay 2.79, Titanic Nay 2.2, Star Wars: The Force Awakens Nay 2.06 Aur Avengers: Infinity War Nay 2.04 Billion Dollars Kamaey Thay.

Avatar 2 Ki Kahani

Avatar: The Way Of Water‘ Ki Story Jake Sully (Sam Worthington) Aur Neytiri (Zoe Saldaña) Kay Gird Ghoomti Hay. Samjhain Pehli Avatar Kay In Main Characters Ki Kahani Aik Naey Morr Par Puhanchti Hay Jis Mein Wo Dono Apni Family Aur Planet Pandora Ko Aik Naey Khatray Say Bachanay Ki Koshish Kertay Hain. Waisay Is Movie Main Sigourney Weaver, Stephen Lang Aur Kate Winslet Bhi Nazar Aei Hain.

Avatar 1 Ka Record

Dilchasp Baat Yeh Kai Avatar Film 2009 Mein December Kay Maheenay Main Hi Release Ki Gai Thi. Yeh Film 237 Million Dollar Budget Say Bani Thi. Is Film Nay Tou Worldwide 2.9 Billion Dollars Ka Business Kia Tha. Yani History Ki Sab Say Highest Grossing Film, Aur Yeh Record Aaj Bhi Qaim Hay.

Kitna Kharacha Aya?

Film Ki Tayari Par 350 Million Dollar Say 400 Million Dollar Ki Laagat Aai Hai. Yani Yeh Film Industry Ki History Ki Mehngi Tareen Movie Hay. Aur Is Kay Paas Hit Honay Kay Ilawa Doosra Koi Raasta Nahi Tha. Cameron Avatar Series Mein 2024, 2026 Aur 2028 Main Mazeed Movies Bhi Lanay Ka Ilaan Ker Chukay Hain.

Share.

Leave A Reply