Aik Chinese Runner Nay Chain-Smoking Kartay Huay Marathon Main Hissa Lia Aur 3.5 Hours Say Kam Waqt Mein Race Complete Bhi Karli. Aisa Chain-Smoker Marathon Runner To Na Kabhi Suna Aur Na Dekha.
‘Uncle Chen’ Kay Naam Say Mash’hur Serial Smoker Nay Shanghai Kay Qareeb Xin’anjiang Marathon Mein Hissa Lia. Wo Bhi Full Bharam Kay Sath.
50 Saal Kay Chen Nay Ye Race 3 Hours And 28 Minutes Mein Complete Ki Aur 1,500 Participants Mein 574th Number Par Aaey.
Laikin Marathon Jeetnay Wala Shayad Itna Famous Nahi Hua, Jitna Chain-Smoker Marathon Runner ‘Uncle Chen’ Ho Gaey Hain. Un Ki Pics Chinese Social Media Par Viral Hain.
Ye Pehla Mauqa Nahi Ke ‘Chacha Chen’ Nay ‘Chain-Smoking Marathon’ Ki Ho. Balkay Wo Doosray Events Mein Bhi Aisa Kartay Nazar Aaey Hain.
2018 Mein Guangzhou Marathon Aur 2019 Xiamen Marathon Mein Bhi Chen Nay Aisay Hi Participate Kia Tha. Aur Race Finish Bhi Ki Thi. Pehli Race Mein Unhon Nay 3 Hours 36 Minutes Main Finish Kia Aur 2019 Mein 3 Hours Aur 32 Minutes Mein.
Local Media To Kehta Hay Ke Uncle Chen Sirf Running Kartay Huay Hi Smoking Kartay Hain.
Waisay Jahan Log Un Ki Is Harkat Par Hairan Hain, Waheen Kuchh Log Second-Hand Smoke Say Pareshan Bhi Hain. Un Ka Kehna Hay Ke 'Chacha' Ki Smoking Say Doosray Runners Ko Second-Hand Smoke Ka Samna Karna Parrta Hoga.