2022 Khatam Honay Main Bus Kuch Hi Din Baqi Hain, Aur Ye Waqt Hay Peechay Murr Kar Saal Ki Taraf Dekhnay Ka, Especially Movies Par. Is Saal Kuch Super Hit Movies Release Hoeen. Jin Mai Kaam Karnay Walay Actors Nay Jahan Apni Adakari Say Dil Moh Liye Waheen Un Ko Milnay Wali Raqam Bhi Headlines Ki Zeenat Ban Gaei. To Aayen Dekhtay Hain 2022 Kay Highly Paid Actors Kaun Kaun Say Hain.
Tom Cruise Sab Say Agay
American Media Company Collider Ki Report Kay Mutabiq Tom Cruise Nay Top Gun: Maverick Kay Liay 100 Million Dollars Liye Thay. Woh Yeh Raqam Lay Kar 2022 Main Sab Say Zaida Amount Lainay Walay Actor Ban Gaey.
Tom Gun Ki Pehli Movies Anay Kay 3 Decades Baad, Is Ka Ye Sequel Banaya Gaya Tha. August Tak Is Movie Nay 1.37 Billion Dollars Ka Business Kiya Tha.
Tom Cruise Nay Jab Yeh Movie Sign Ki Tou Unhain 13 Million Dollars Ka Pay Cheque Diya Gaya.
Movie Sign Kartay Huay Tom Cruise Say Yeh Agreement Bhi Kiya Kay Movie Kay Producer Aur Actor Ko Is Block Buster Movie Ki Total Income , Ticket Sales Aur Streaming Revenues Say Bhi Hisa Milay Ga.
Phir Unhain Milna 100 Million Dollars Ka Amount, Jo Start Main Milnay Wali Amount Say Atleast 10 Times Zyada Hay.
Will Smith 2nd Number Par
Is List Main Doosra Naam Hay Will Smith Ka, Wohi Jinhon Nay Is Saal Oscar Awards Main Chris Rock Ko Thapar Maar Kar Headlines Main Jaga Banai Thi. Khayal Kia Jaraha Tha Ke Will Smith Ka Career Is Thapar Nay Khatam Kardia Hay.
Laikin Aisa Hoa Nahi, Aur Will Smith Ki Movie Emancipation Nay Maidaan Maar Liya Hay. Is Movie Main Kaam Karnay Per Will Smith Ko 35 Million Dollars Milay Hain.
Leonardo DiCaprio Peechay Peechay
Titanic Fame Leonardo DiCaprio Bhi Is List Mai Hain. Aur Unhon Nay Killers Of The Flower Moon Main Aik Baar Phir Apnay Talent Ka Haq Ada Kia Hay. Unko Is Film Main Kam Karnay Per 30 Million Dollars Milay. Is Film Main Robert De Niro Bhi Thay, Aur Sab Say Barh Kar Screenplay Likha Hay Martin Scorsese Nay. Yani Ye Movie To Dekhni Paray Gi.
Ye Historical Drama Movie 1920s Main Osage Tribe Murders Ki Story Per Banai Gai. Yeh FBI Ka Pehla Major Homicide Case Tha.
Leonardo DiCaprio Nay Shutter Island (2010), Django Unchained (2012) Aur Once Upon A Time In Hollywood (2019) Main Bhi Apni Performance Ka Jadu Dikhaya Tha.
Brad Pitt Ka Naam Bhi Shamil
Evergreen Hero Brad Pitt Fictional Movie Formula 1 Main Nazar Aaein Gay. Is Movie Ko Ehren Kruger Nay Likha Hay Jo Top Gun: Maverick Kay Writer Bhi Hain. Is Movie Mai Formula 1 Champion Lewis Hamilton Bhi Nazar Aayen Gay.
Film Ka Title Abhi Decide Nahi Hua Hay Magar Brad Pitt Nay Is Movie Mai Kaam Karnay Kay 30 Million Dollars Lay Liay Hain. Dilchasp Baat Yeh Hay Ke Brad Pitt Ka Is Movie Mai Role Formula One Kay Veteran Driver Ka Hay. Umeed Ki Jarahi Hai Kay 58 Saal Kay Brad Pitt Ki Yeh Movie Bhi Hit Ho Jaey Gi.
'Black Adam' Dwayne Johnson
Dwayne ‘The Rock’ Johnson Nay Wrestler Say Movie Actor Ka Safar Buhat Kamiyabi Say Tay Kiya Hay. DC Comics Ki Black Adam Main Superhero Ka Role Ada Karnay Kai Liye Dwayne Ko 22.5 Million Dollars Milay Thay.
Yeh 'Rock' Kay Film Career Ka Pehla Super Hero Role Tha. Film Ki Social Media Per Publicity Karnay Per Un Ko Additional Amount Bhi Mila.