America Mai Awami Muqamaat Per Firing Kai Waqiyat Mai Civilians Ki Maut Ka Silsila Na Ruk Saka. North Carolina Mai Firing Kai Waqiye Mai 5 Afraad Halaal Hogae.

Ameriki Media Reports Mai Bataya Gaya Kai  Raleigh City Kai Nazdeek Firing Ka Waqiya Thursday Ki Raat Ko Paish Aya. Mayor Mary-Ann Baldwin Nay Press Conference Mai Bataya Kai Mubayana Hamla Awar Ko Police Nay Girftar Kerliya Hay. Safaid Fam Hamla Awar Ki Age Nahe Bataie Gaei Hay. Hamla Awar Ko Talash Kernay Ka Operation Kai Ghantay Tak Jari Raha.

Raleigh City Mai Jahan Firing Hoi Woh Residential Ilaqa Hay. Firing Sai Marnay Waloon Mai  Raleigh Police Department Ka Police Ehalkar Bhi Shamil Hay Jo Duty Khatam KerKai Jaraha Tha. Firing Sai 5 Afraad Halak Hoay Jabkay 3 Zakhmi Hain.

America Mai Firing Ka Yeh Waqiya Saal 2022 Mai Baray Paimanay Per Shooting Ka Pacheeswan (25th) Incident Hay.

Share.

Leave A Reply