Pakistan Kay Mohammad Rizwan Kheltay Hain, Aur Kamal Kheltay Hain, Bus New Zealand Kay Khilaf Tri-Series Final Main Un Ka Balla Nahi Chal Saka. 29 Balls Par Sirf 34 Runs Bana Kar Hi Out Ho Gaey. Laikin India Kay Suryakumar Yadav Aka SKY Ko Peechay Zaroor Chhor Gaey Hain. Wo Kaisay?
Asal Main Suryakumar Yadav Is Saal Yani 2022 Main Sub Say Ziada 801 Runs Rakhtay Thay, Laikin Rizwan Nay Aaj Jab Apna 15th Run Lia To Wo SKY Say Aagay Nikal Gaey.
World No. 1 T20i Batter Rizwan Kay Liay 2022 Bhi Zabardast Raha Hay. Pichhlay Saal Unhon Nay Aik Calendar Year Main Sub Say Ziada 1326 Runs Ka World Record Banaya Tha. Aur Ab 2022 Main 18 Matches Main Hi 821 Runs Bana Chukay Hain.
Rizwan Ki Last 10 Main Say 5 Innings Fifty Plus Hain. Ab Aagay T20 World Cup Bhi Aa Raha Hay, Yani Buhat Saray Matches Khelnay Ko Milain Gay. Is Liay Agar Rizwan Ka Balla Australia Main Bhi Chal Gaya To Ho Sakta Hay Wo Apna Banaya Gaya Record Bhi Torr Dain?