Digital Currency ‘Crypto’ Ki Ahmiyat Main Tezi Say Izafa Ho Raha Hay, Sauth Africa Ki Market Main Crypto Kay Istemaal Ka Kamyaab Tajurba Kiya Gaya.
Kamyaab Tajurbay Kay Baad South Africa Ki Sab Say Barri Super Market 'Pick n Pay' Nay Raqam Ki Adaigi Kay Liye Crypto Currency Ko Qubool Karnay Ka Elaan Kar Diya. Company Nay Is Tareeka Kar Ko Degar 29 Branches Main Bhi Shoru Kar Diya Hay.
Pick n Pay Ki Janib Say Crypto Currency Ki Adaigi Ko Qubool Karne Ka Yeh Elaan South Africa Ki Financial Sector Conduct Authority Ki Janib Say Crypto Ko Bazabta Tor Par Maliyati Product Kay Tor Par Elaan Kay Baad Samnay Aaya Hay. Super Market Ka Kehna Hay Kay Log Riwayati Banking Kay Nizaam Say Mutmain Nahi Hain Is Liye Crypto Main Adaige Qubool Ki Ja Rahe Hay.