PTI Ka Long March 6th Day Gakhar Mandi Par Khatam Howa. Kal March Ka Aghaz Bhi Gakhar Mandi Say Ho Ga Aur Gujrat Ki Taraf Barhay Ga.

PTI Chairma Imran Khan Nay March Main Khitaab Kartay Howay Kaha Kay Ghulami Say Mout Achi Hay, Main Kabhi Is Hukoomat Ko Tasleem Nahi Karoon Ga, Koi Ghalat Fehmi Main Na Rahay Kay Islamabad Puhanch Kar Hamari Tehreek Khatam Hojaye Gi, Yeh Tehreek Aglay 10 Mah Tak Chalti Rahay Gi, Jab Tak Election Nahi Ho Jaien, Hum Match Jeet Chuke Hain

Imran Khan Ne Kaha Kay Main 26 Saal Siyasat Karkay Yahan Pohncha Lekin Baqi Siyasat Daan Fouji Nursery Main Peada Hue.Agar Establishment Nay Neutral Honay Ka Faisla Kar Liya Hay Tu Kia Cheez Onhain Shafaaf Election Karanay Say Rokk Rahi Hay, Kis Ne Un Choron Ko Hamaray Oopar Musallat Kiya, Un Kay Saaray Cases Khatam Hona Shuru Hue Aur NRO Milnay Laga.

Unho Nay Long March Main Kuch Sawal Bhi Othay. Pucha Kay Donald Lu Kis Ko Keh Raha Tha Kay Apnay Wazeer E Azam Ko Hatao ? Arshad Shareef Ko Kon Dhamkian Day Raha Tha? Woh Kon Thay Jo Arshad Sharif Ka Mounh Band Karwana Chahtay Thay? Woh Kon Hay Jo Sahafion Ki Awaz Band Karwa Raha Hay ?

Woh Kon Hay Jo Hamari Aawaz Band Kar Kay Hamari Azadi Lena Chahta Hay? Woh Kon Hay Jis Nay Azam Swati Aur Shahbaz Gil Par Nanga Kar Kay Tashadud Karwaya. Woh Kon Hai Jo Na Maloom Numbers Say Phone Kar Kay Keh Raha Hai Kay Tehreek e Insaaf Ka Sath Na Do? Woh Kon Hay Jis Nay In Choron Aur Dakuon Ko Hamaray Oopar Musallat Kiya Howa Hay.

Khan Sahib Nay Yeh Sawal To Pouchye Hain Magar Yeh Nahi Bataya Ke Woh Yeh Sawal Puoch Kis Say Rahay Hain.

Share.

Leave A Reply