Wazir-e-Ala Punjab Chaudhry Pervaiz Elahi Ka Kehna Hay Kay Imran Khan Hukumat Say Nahi Bulkay Udhar Muzakrat Kar Rahay Hain ‘Jithon Gal Mukdi Ay’

Chaudhry Pervaiz Elahi Nay Dunya News Ko Interview Main Kaha Kay Imran Khan Ka Asal Mas’ala Election Ki Tareekh Hay. Imran Khan Chahtay Hain Election Ki Tareekh Di Jaye. Maududa Hukumat Chahti Hay Kat Muddat Puri Ho. Imran Khan Hukumat Ki Kisi Committee Say Muzakrat Nahi Kar Rahay Hain. Wo Waheen Muzakrat Karen Gay ‘Jithon Gal Mukdi Ay’ (Jahan Baat Khatam Hoti Hay) Aur Hukumat Nay Baad Main Unhee Say Rabta Kar Kay Baat Ki Hay. Is Liye Election Ki Tareekh Par Aik Kamyabi Ki Kiran Nazar Aayi Hay. Ye Umeed Long March Kay Saath Paida Hui Hay.

Anchor Nay Sawal Kiya Kay Agar Muzakrat Chal Rahay Hain Tou DG ISPR Ko Press Conference Ki Zarurat Kyun Paish Aayi. Jawab Main Chaudhry Pervaiz Nay Kaha Kay Is Hawalay Say Wo Koi Baat Nahi Karen Gay. Humain Umeed Hay Kay Baat Cheet Ka Koi Nateeja Nikal Aaye Ga.

Sawal Kiya Gaya Kay Long March Ka Army Chief Ki Appointment Say Bhi Taaluq Hay Is Kay Jawab Main Unhon Nay Kaha Kay Ye Bohat ‘Choocha’ Sawal Hay Ya Phir Ye Kahen Kay Aap Hum Ko Bohat Bhola Samajh Rahay Hain.

شیئر

جواب لکھیں