PTI Chairman Imran Khan Nay Long March Main Zakhmi Honay Kay Baad Pehli Baar Qaum Say Khitab Kiya. Shaukat Khanum Hospital Lahore Say Khitab Main Un Ka Kehna Tha In Logon Nay Wazirabad Ya Gujrat Main Mujhay Tauheen Risalat Kay Ilzaam Par Qatal Karnay Ka Mansoobah Banaya Magar Allah Nay Mehfooz Rakha. PTI Chairman Ka Kehna Tha Kay Theek Hotay Hi Dubara Long March Ki Call Dun Ga Teen Logon Shehbaz Sharif, Rana Sanaulalh Aur Faisal Ka Istifa Anay Tak Mulk Bhar Main Ehtijaj Jari Rahay Ga.

Unhon Nay Kaha Mujh Par Hamla Karnay Walay 2 Log Thay Aik Pakra Gaya Aur Is Ko Intaha Pasnd Kaha Gaya, Yeh Intaha Pasandi Nahi Balkay Is Kay Peechay Pura Mansuba Hay.

Imran Khan Nay Kaha Is Mulk Main Establishment Ko Aadat Par Gayi Thi Kay Jahan Who Chahain Gay Log Wahan Chalay Jayen Gay, Un Ko Dhachka Para Kyunkay Qaum Nay Faisla Kiya Kay 30 Saal Say Jo Chori Kar Rahay Hain Un Kay Sath Nahi Jana Chahtay.

Unho Nay Kaha Neutrals Ko Maloom Tha Saazish Ho Rahi Thi Lekin Rasta Nahi Roka. Islamabad Main Aik ‘Handler’ Aya Jo Kehta Hay Kay Main Tumhen Bataun Ga Kay Kaisay Seedha Karta Hun. Hamaray Arakeen Say Raabtay Kiye Jatay Hain Dara Kar Kaha Ja Rahah Hay Kay Imran Khan Ko Chordain. Dirty Harry Apnay Oopar Kay Logon Say Wada Kar Kay Aya Tha Kay Wo Humain ‘Fix’ Karay Ga.

Imran Khan Nay Kaha Gen Bajwa Jagain Fauj Main Maujood Kali Bheron Kay Khilaf Action Lain, Action Na Huwa Tou Nafratain Barhain Gi, Mulk Tabahi Ki Taraf Jaye Ga. Fauj Mulk Ko Ikatha Rakh Sakti Tou Bangladesh Na Banta, Fauj Nahi Political Parties Mulk Ko iktha Rakhti Hain.

Unho Nay Nawaz Sharif Aur Maryam Nawaz Ko Challenge Karta Huye Kaha Kay Mujh Say Pakistan Main Kahin Bhi Election Laren Main Un Ko Hara Dun Ga. Imran Khan Nay Bataya Kay Unhain 4 Golian Lagin Is, Moqa Par Dr Faisal Sultan Nay X-Ray Kay Zariye Media Ko Tafseelaat Bataeen.

Share.

Leave A Reply