Aa Dekhen Zara Kis Main Kitna Hay Dum. Aik Sabiq Wazir-e-Azam Nay Dusray Sabiq Wazir-e-Azam Ko One On One Muqablay Ka Challenge Day Diya.

Nawaz Sharif Wapas Aao!

PTI Chairman Imran Khan Aur PMLN Kay Quaid Nawaz Sharif Kay Darmiyan Bayan Bazi Ka Muqabla Tou Bohat Arsay Say Chal Hi Raha Hay Magar Ittefaq Say Dono Rehnuma Kabhi Intikhabi Maidan Main Aik Dusray Kay Aamnay Samnay Nahi Aaye.

By Elections Kay 7 Halqon Main 13 Jamaaton Ko Akelay Pchharnay Walay Imran Khan Nay Ab Nawaz Shrif Ko Intikhabi Dangal Main Muqablay Kay Liye Lalkara Hay.

Imran Khan Ka Kehna Hay Kay Nawaz Shrif Jab Bhi Wapas Aao Aur Election Laro. Challenge Karta Hun Kay Tumharay Halqay Main Tumhen Haraun Ga.

Nawaz Nahi Kay Mulk Say Bhag Jaaun.

Tehreek Insaaf Kay Haqeeqi Azadi Long March Kay Panchwain Din Ka Aaghaz Gujranwala Say Hua. Imran Khan Nay Khitaab Kartay Huye Kaha Kay Main Nawaz Shrif Nahi Hun Kay Pakistan Say Bhaag Jaoon. Mera Jeena Marna Pakistan Main Hay. Nawaz Shrif Intzaar Kar Raha Hay Kay Usay Taaqatwar Logon Se NRO Mil Jaye Aur Wo Wapas Aa Jaye. Aisa Hua To Hum Sab Mil Kar Nawaz Shrif Ka Istaqbaal Karen Gay Aur Unhen Airport Say Adiala Jail Le Kar Jayen Gay.

Nawaz Zardari Mil Kar Sazish Kar Rahay Hain.

Imran Khan Nay Kaha Kay Nawaz Shrif Aur Zardari Mil Kar Sazish Aur Koshish Kar Rahay Hain Kay PTI Kay Khilaaf Establishment Ko Khara Kar Dain Taakay Nawaz Sharif Usi Tarha Wapas Aa Jaye Jis Tarha Ishaq Dar Wapas Agaya Hay. Un Ka Kehna Tha Kay Mashriqi Pakistan Main Aik Jamaat Ko Aksariyat Mili Magar Aik Politician Nay Pakistan Ki Fauj Ko Aik Party Kay Khilaaf Khara Kiya Phir Pakistan Toot Gaya.

Imran Khan Nay Cheif Justice Say Appeal Ki Ke Hamari Haqeeqi Azadi Ki Tehreek Hay, Hum Aap Aur Adliya Ki Taraf Dekh Rahay Hain.

Share.

Leave A Reply