Jaan Bacha Kar Mulk Say Jaany Wala Jaan Day Kar Wapis Agaya. Senior Journalist Arshad Sharif Iss Haal Main Pakistan Aaye Hain Kay Abb Wo Kuch Bolengay Nahi. Koi Sawal Nahi Karengay.
Arshad Sharif Kay Dost Aur Un Kay Chahnay Walay Rat Gaye Un Kay Muntazir Rahay. Airport Say Niklay To Logon Nay Shaheed Ka Bharpor Istebaal Kiya Ambulance Par Pholon Ki Baarish Kardi
Shaheed Say Mulaqaat
Arshad Sharif Ki Bewa Javeria Siddique Nay Tweet Kiya “ Bil Aakhir Kayi Maheno Baad Meri Apnay Shohar Say Mulaqat Hogayi Lekin Wo Taboot Main Thay ,Un Kay Pur-Noor Chehray Par Muskarahat Thi Mene Unhay Jaganay Ki Koshish Ki Lekin Unho Nay Jawab Nahi Diya”
Arshad Sharif Kay Sath Kaam Karnay Walay Un Kay Dost Sab Gham Say Nidhal Hain
Shaheed Ka Jasad e Khaki Quaid e Azam Hospital Kay Andar Tha Aur Bahir “Arshad Tere Khon Say Inqelab Ayega” Kay Naaray Buland Thay.
Arshad Sharif Ki Mayyat Pakistan Laayi Jaa Chuki Hai. Namaz e Janaza Kal Dopehar 2 Bajay Faisal Masjid Islamabad Main Ada Ki Jayegi