Ahmed Jawad Nay Prime Minister Kay Focal Person Kay Uhday Say Istefa Dai Diya Hay. Unhonay Apnay Written Resignation Main Likha Hay Kai Government Chalanay Kay Tamaam Faisalay 3 Mukhtalif Jaghon Say Aatay Hain.
Ahmed Jawad Nay Kaha Kay Batoar Focal Person Na Koi Salary Li,Na Koi Car Li Aur Na Koi Sahulaat Li Thei. Poori Siyasi Zindagi, PTI Ya PML(N) Say Koi Faida Nahi Liya.
Unhonay Kaha Kay Jis Mulk Nay Na Haq Khoun Bahaya Jaie Aur Haqaiq Kabhi Manzar e Aam Per Na Asakain, Jis Mulk Ka Leader Chahae Imran Khan Hon Ya Shehbaz Sharif Hon,Leken Bai Bas Aur La Chaar Hon,Jis Mulk Mai Such Maut Ka Parwana Aur Jhout Kamiyabi Ki Chabi Ho, Wahan Kaam Kerna Sahe Nahi.
Ahmed Jawad Nay Kaha Kay Poori Qoum Say Appeal Kerunga Kay Such Kay Sath Kharay Hon Kion Ka Iss Mulk Ko Sirf Such Bacha Sakta Hay, Na Jhout, Na IMF, Na Army, Na America, Na China Aur Na Saudia Arab Aur Na He Prime Minister Shehbaz Sharif Ki Shaab o Roz Ki Mehnaat.
Ye Bhi Kaha Kay Iss Mulk Mai Riwayati Aur Morosi Siyasat Ka Koi Mustaqbil Nahi Hay.