Kiya PTI Ka Dabao Kaam Kar Raha Hay? Kia Long March Se Pehlay Hukumat Hathyar Daal De Gi?

Kia Hukumat Aur PTI Ke Darmiyan Muzakrat Ke Baad Election Ki Tareekh Ka Elan Honay Wala Hay?

By-Election Main Imran Khan Ki Jeet Kay Baad Ye Sawalat Aur Qayas Araian Mazeed Zor Pakar Gayi Hain.

Aisay Main Imran Khan Ka Isi Haftay Aik Bayan Samnay Aaya Jis Main Unhon Nay Kaha Kay Backdoor Muzkrat Ho Rahay Hain Magar Abhi Kuch Tay Nahi Hua.

PMLN Kay Rehnumaon Nay Tou Imran Khan Kay Bayan Ki Tardeed Ki, Maryam Aurangzeb Aur Khwaja Asif Nay Dawa Kiya Kay Koi Muzakrat Nahi Ho Rahay, Imran Khan Apnay Logon Ka Aasra Denay Kay Liye Aisi Baaten Kar Rahay Hain.

Magar Aaj Khud Wazir-e-Azam Shehbaz Sharif Nay Ye Tasleem Kar Liya Kay Parday Kay Peechay Kuch Na Kuch Ho Raha Hay Aur Wo Dabao Ka Shikar Hain.

Shehbaz Sharif Qurbani Kay Liya Tayyar!

Islamabad Main Taqreeb Say Khitab Main Unhon Nay Imran Khan Ka Naam Liye Baghir Un Par Tanqeed Ki. Shehbaz Sharif Ka Kehna Tha Kay Jo 4 Saal Tak Haath Milanay Par Tayyar Nahi Tha Ab Keh Raha Hay Baat Karo.

Shehbaz Sharif Is Moqay Par Kuch Pareshan Bhi Nazar Aaye, Unhon Nay Kaha Kay Wo Tafseel Main Nahi Jana Chahtay Laikin Qaumi Mafad Main Wo Har Qurbani Denay Ko Tayyar Hain.

Prime Minister Shehbaz Sharif Ki Qurbani Ki Baaten Ishara Day Rahi Hain Kay Halya By-Elections Main Shikast Aur Imran Khan Ki Long March Ki Call Kay Baad Wo Dabao Main Hain. Aur Shayad Muqtadir Halqon Nay Unhean Paigham De Diya Hay Kay Mumalat Mil Baith Kar Tay Kar Lain.

شیئر

جواب لکھیں