DG ISI Lt. General Nadeem Ahmed Anjum Nay Kaha Hay Kay Mir Jaffar,Mir Sadiq,Ghaddar,Neutral Aur Janwaar Kehna Iss liye Nahi Hai Kion Kay Army Chief, Fauj Ya ISI Nay Koi Ghaddari Ki Hai, Balkay Yeh Iss Liye Hay Kion Kay Unhonay Ghair Aaeyni Aur Ghair Qanoni Kaam Kernay Say Inkaar Kerdia Hay.

DG ISPR Kay Sath Mushtarka Press Conference Kertay Hoay DG ISI Lt. General Nadeem Ahmed Anjum Nay Kaha Kay ISI Per Tanqeed Per Khamosh Nahi Reh Sakta, Jaab Jhout Itni Aasani,Rawani Aur Farwani Sai Bola Jaie Aur Aik Janib Sai Mulk Main Fitna Aur Fasaad Ka Khatra Ho Tou Such Ki Lambi Khamoshi Bhi Theak Nahe Hoti.

Unhonay Kaha Kay Iss Main Dou Rai Nahi Kay Aap Kisi Ko Mir Jaffar Aur Mir Sadiq Kahain Aur Aap Kai Pass Iss Kai Shawahid Na Hoon Tou Zahir Baat Hai Kai Iss Ki Jitni Mazamat Ki Jaei Woh Kaam Hay,Yeh Jhout Per Banaya Gaya Nazariya Hay.

DG ISI Nay Kaha Kay Fauj Ka Siyasat Say Nikalnay Ka Faisala Army Chief Ka Nahe Balkay Pooray Idaray Ka Tha. Guzashta Saal Idaray Nay Faisala Kiya Tha Kay Khudh Ko Aaeini Hudoud Main Rakhna Hay.

Lt. General Nadeem Ahmed Anjum Nay Kaha Kay March Main General Qamar Javed Bajwa Ko Unlimited Time Kay Liye Batoar Chief Of Army Staff Extension Denay Ki Paishkash Ki Gaei Leken Unhonay Iss ko Tukhra Diya. Ager Army Chief Ghaddar Hain Tou Maazi Main Un Ki Itni Tareef Kion Ki Gaei Aur Paas e Parda Un Say Mulaqatain Kion Ki Gaein. DGISI Nay Kaha Hai Kai Ager Establishment Na Chahti Tou Kia Koi Mulk Say Bahar Jasakta Hai?. Unhonay Tardeed Kerdi Kay ISI Ki Taraf Sai Sahafiyun Ko Telephone Kerkai Daranay Dhamkanay Ki Baat Bilkul Jhout Hai,Hum Kisi Ko Telephone Nahe Kertay.

شیئر

جواب لکھیں