PTI Ka 'Haqeeqi Azadi Long March' Chouthay Roz Kamoke Say Shuru Huwa Jo Raat Tak Gujranwala Pohanchay Ga. Imran Khan Nay Kamoke Main Khitab Kartay Huye Kaha Sari Qoum Adliya Ki Taraf Dekh Rahi Hay, Cheif Justice Azam Swati Ke Sath Sath Shehbaz Gil Ka Bhi Case Sunain.
Imran Khan Nay Chief Election Commissioner Par 10 Arab Harjanay Ka Daawa Dair Karnay Ka Elaan Kiya, Kaha Chief Election Commissioner Shareef Khandan Kay Ghar Ka Naukar Hay.
Unhon Ne Kaha Kay Sab Ko Nazar Aa Raha Hay Inqilab Kitni Taizi Se Islamabad Ki Taraf Barh Raha Hay, Shehbaz Sharif Main Pegham Un Ko Day Raha Hon Jinhon Nay Tumhen Ijazat Di Oopar Bethnay Ki.
PTI Chairman Nay Kaha Allah Say Dua Karta Hon Agar Meri Maut Likhi Hay Tou Arshad Sharif Wali Maut Day Geedaar Wali Maut Na Day. Un Ka Kehna Tha Kay Kabhi Bhi Mulki Establishment Awam Kay Khilaaf Khari Nahi Hoti Kyunkay Awam Aur Fauj Mil Kar Mulk Ko Mazboot Kartay Hain. Main 6 Maah Say Mulk Main Inqilab Dakh Raha Hun. Sawal Sirf Yeh Hay Kay Yeh Election Ke Zariye Aaye Ga Ya Phir Is Ke Liye Khoonrezi Hogi.