Pakistan Cricket Ki Sab Say Haseen Yaad Kaun Si Hay? World Cup 92 Ka Final! Jo Khela Gaya Tha 'The Great Arena Melbourne Cricket Ground Par.
Yahi Maidan Kal Itwar 23 October Ko T20 World Cup 2022 Main Pakistan Aur India Kay Zabardast Muqablay Ki Mezbani Karay Ga. World Cup Say Barra To Kuchh Nahi Ho Sakta Laikin Is World Cup ‘92 Kay Final Say Hut Kar Dekhain To MCG Pakistan Kay Liay Itna Lucky Ground Nahi Hay.
Pakistan Aur MCG, Aik Love-Hate Relationship
Pakistan Nay Aaj Tak Yahan 34 International Matches Khelay Hain Aur Jeetay Hain Sirf 11. Test Matches Main 10 Main Sirf 2, ODIs Main 23 Main Say 9 Aur T20 International Main To 1 Bhi Nahi.
Pakistan Ki Performance MCG Main
| Mts. | Won | Lost | Draw | |
|---|---|---|---|---|
 Pakistan | 34 | 11 | 21 | 2 |
Pakistan Nay MCG Par Aaj Tak Sirf Aik T20 Khela Hay, Jo 2010 Main Australia Kay Khilaf Khela Gaya Tha. Us Match Main 127 Runs Kay Chase Main Shaun Tait Nay Pakistani Batting Line Ko Urra Kar Rakh Dia Tha. Jee Haan Wohi Tait Jo Is Waqt Pakistan Kay Bowling Coach Hain 😉.
ODIs Main Pakistan Ka Haal
T20 Say Hut Kar Dekhain To Melbourne Main Pakistan Nay 23 ODIs Khelay Hain, Sirf 9 Jeetay Hain Aur 14 Main Shikast Ka Moon Dekha Hay. World Cup ‘92 Final Jeetnay Kay Baad 20 Saal Main Pakistan Yahan Sirf 2 ODIs Jeeta Hay, Aik 1997 Main West Indies Kay Khilaf World Series Ka Final Aur Doosra January 2017 Main Australia Kay. Aur Yahi Pakistan Ka Melbourne Main Last Match Tha.
MCG Main Pakistan Ki ODIs Performance
| Mts. | Won | Lost | Tied | |
|---|---|---|---|---|
| Pakistan | 23 | 9 | 14 | 0 |
Is Match Main Junaid Khan Aur Mohammad Amir Ki Shandar Bowling Aur Phir Mohammad Hafeez 72 Runs Ki Captain Innings Nay Pakistan Ko Jitwaya Tha. Yani 20 Saal Baad Pehli Kamyabi.
Pak-India @ MCG
Pakistan Ka Yahan Arch-Rival India Kay Khilaf Record Bhi Kuch Khaas Nahi. Melbourne Main Aaj Tak Sirf 2 Pak-India Matches Huay Hain, Jo 1985 Ki World Championship Of Cricket Main Khelay Gaey Thay Aur Donon Main India Jeeta Tha.
| Result | Margin | vs | Date | |
|---|---|---|---|---|
| Pakistan | Lost | 6 wickets |  India | 20 Feb 1985 |
| Pakistan | Lost | 8 wickets | India | 10 Mar 1985 |
Record India, Momentum Pakistan Kay Saath
Pakistan Ka India Kay Khilaf T20i Record Kuchh Khaas Nahi. 11 Matches Main Sirf 3 Victories. Laikin Khushi Ki Baat Ye Hay Ke Pakistan Nay In 3 Main Say 2 Kamyabian Last 1 Year Main Hasil Ki Hain. Aik To T20 World Cup 2021 Ki Wo Famous Victory Hay, Jis Nay Sary Ghum Dho Diay Thay. Aur Doosri Abhi Last Month Asia Cup 2022 Ki.
Laikin In Say Pehlay 8 Matches Main Pakistan Kay Paas Sirf 1 Jeet Thi. Is Liay Hum Keh Saktay Hain Ke History To India Kay Saath Hay Laikin Momentum Pakistan Kay Hathon Main Hay.
Pak v India in T20i
Last 5 Matches
| Result | vs | Ground | Date | |
|---|---|---|---|---|
| Pakistan | Lost | India | MIrpur | 21 Mar 2014 |
| Pakistan | Lost | India | Kolkata | 27 Feb 2016 |
| Pakistan | Won | India | Dubai | 24 Oct 2021 |
| Pakistan | Lost | India | Dubai | 28 Aug 2022 |
| Pakistan | Won | India | Dubai | 4 Sep 2022 |
To Kia Is Martaba MCG Pakistan Par Mehrban Hoga?