Jab Say Rishi Sunak United Kingdom Kay Pehlay Coloured Prime Minister Banay Hain, Social Media Par Memes Ka Toofan Aa Gaya Hay. India Kay Fast Bowler Ashish Nehra To Kal Say Trending Main Hain, Kyun? Kyunke Un Ki Shakal Rishi Sunak Say Buhat Milti Hay.

Asish Nehra Cricket Kay Pehlay Khilari Nahi, Jin Ki Shakal Kisi Mashoor Aadmi Say Ya Kisi Doosray Player Jaisi Hay.

Sab Say Barri Misaal To Hamaray Leg Spinner Yasir Shah Ki Hay. Wo Football Ki Dunya Kay Bay Taj Badshah Lionel Messi Kay Hum Shakal Samjhay Jatay Hain.

Raftar Bharne Do

Ab Zara England Kay James Anderson Ko Dekhain, Actor David Walton Kay Bichhray Huay Bhai Lagtay Hain Na? Bus Anderson Acting Nahi Kar Saktay Aur Walton Cricket Nahi Khel Saktay.

Raftar Bharne Do

Waisay Bhai Say Yaad Aaya, Cricket Main Waqai 2 Bhai Jurwan Aur Hum Shakal Bhai Thay. New Zealand Kay Hamish Marshall Aur James Marshall. Commentator Bhi Kafi Dair Soch Kar Naam Leta Hoga.

Raftar Bharne Do

England Kay Jonny Bairstow T20 World Cup Main Nazar Nahi Aa Rahay. Agar Hotay To Aap Bhi Kehtay Ke ‘Yaar! Ye Banda Dekha Dekha Lag Raha Hay.’ Jee! Un Ki Shakal English Actor Rupert Grint Say Buhat Milti Hay. Array Wohi Harry Potter Walay.

Raftar Bharne Do

South African Cricket Team Kay Former Captain Thay Faf Du Plessis. Un Ki Shakal Actor Michael Fassbender Jaisi Hay. Steve Jobs Par Bannay Wali Movie Main Title Role Bhi Unhon Nay Hi Kia Tha.

Raftar Bharne Do

Ab Hum Jin Players Ki Baat Karnay Walay Hain, Ho Sakta Aap Ko Un Ka Comparison Achha Na Lagay, Laikin Zara Ghaur Say Dekhain. Kia Aap Ko Virat Kohli Aur Ahmed Shehzad Ki Shakal Milti Julti Nahi Lagti? Helmet Pehna Hua Ho To Faraq Nazar Hi Nahi Aata. Haan! Batting Shuroo Hotay Hi Andaza Ho Jata Hay Ke Kaun Asli Kohli Hay Aur Kaun Naqli Ahmed Shehzad 😉.

Raftar Bharne Do

Kahan Say Chalay Thay Aur Kahan Puhanch Gaey. Abhi Bhi Buhat Say Cricketers Baqi Hon Gay Jo Hamain Yaad Nahi. Kia Aap Hamain Bataen Gay?

شیئر

جواب لکھیں