Pakistan Kay Mohammad Rizwan Ko ICC Nay September 2022 Kay Liay Apna Player Of The Month Qarar Dia Hay.
Rizwan Nay India Kay Axar Patel Aur Australia Kay Cameroon Green Ko Peechhay Chhortay Huay Yeh Aizaz Hasil Kia Hay. Un Donon Nay Bhi Behtareen Performance Di Laikin ‘Sitambar Kay Sitamgar’ Thay Rizwan. Jinhon Nay T20i Cricket Main To Tabahi Macha Di.
T20i Ranking Main World No. 1 Batsman Rizwan Nay Sirf 10 Matches Main 7 Fifties Score Keen. Month Shuroo Hotay Hi Unhon Nay Hong Kong Aur India Kay Khilaf 70+ Ki Innings Khaileen. Phir Asia Cup Kay Final Main Bhi Fifty Banai, Bus Pakistan Champion Nahi Ban Saka.
Asia Cup Kay Baad Phir England Kay Against 5 Matches Main Unhon Nay 4 Martaba 60+ Score Kiay. Is Series Main Unhon Nay 63 Say Ziada Kay Average Say 316 Runs Banaey, Wo Bhi 138.60 Kay Strike Rate Kay Saath.
Mohammad Rizwan in International Cricket
September '22
| Runs | Balls | 4s | 6s | Against | Ground | Date |
|---|---|---|---|---|---|---|
| 78* | 57 | 6 | 1 | Hong Kong | Sharjah | 2 Sep 2022 |
| 71 | 51 | 6 | 2 | India | Dubai | 4 Sep 2022 |
| 20 | 26 | 1 | 1 | Afghanistan | Sharjah | 7 Sep 2022 |
| 14 | 14 | 0 | 0 | Sri Lanka | Dubai | 9 Sep 2022 |
| 55 | 49 | 4 | 1 | Sri Lanka | Dubai | 11 Sep 2022 |
| 68 | 46 | 6 | 2 | England | Karachi | 20 Sep 2022 |
| 88* | 51 | 5 | 4 | England | Karachi | 22 Sep 2022 |
| 8 | 14 | 1 | 0 | England | Karachi | 23 Sep 2022 |
| 88 | 67 | 9 | 1 | England | Karachi | 25 Sep 2022 |
| 63 | 46 | 2 | 3 | England | Lahore | 28 Sep 2022 |