Indian State Gujarat Main Girnay Walay Pul Ki Video Samnay Aa Gayi.

Itwar 30th October Ko Gujarat Kay District Morbi Main Suspension Bridge Girnay Say 140 Se Zyada Afrad Ki Maut Hui Thi.

Social Media Par Share Ki Janay Wali Video Main Dekha Ja Sakta Hay Ka Machchuu River Par Banay Bridge Par Log Video Aur Tasveeren Banwa Rahay Thay Aur Pul Musalsal Hil Raha Tha. Achanak Pul Kay Aik Taraf Ki Rassian Tooteen Aur Pul Par Kharay Tamam Afrad Darya Main Ja Giray Jin Main Khawateen Aur Bachay Bhi Shamil Thay.

Indian Media Kay Mutabiq Hadsay Kay Waqt Pul Par 500 Kay Qareeb Afrad Jama Thay. 177 Afrad Ko Bacha Liya Gaya Jabkay Lapata Afrad Ki Talash Jari Hay. Kai Zakhmion Ki Halat Bhi Nazuk Batai Ja Rahi Hay.

British Era Ka Ye Pul 100 Saal Say Zyada Purana Hay Aur Isay 6 Mahinay Ki Renovation Kay Baad 26 October Ko Awam Kay Liye Khola Gaya Tha.

Share.

Leave A Reply