Wazir-E-Dakhla Punjab Hashim Dogar Ka Kehna Hay Ke Nawaz Sharif Ka Jail Main Kisi Se Mulaqat Na Karanay Ka Daawa Durust Nahi.
Nawaz Sharif Ne Aik Saal Main 2200 Say Ziyada Afrad Say Mulaqaten Keen. In Sab Afrad Nay Naam Aur Mulaqaton Ki Tafseelat Jail Record Main Maujoud Hain.
Lahore Main Media Se Baat Kartay Huye Hashim Dogar Nay Kaha Kay Us Waqt Kay Jail Officer Kay Khilaf Inquiry Karen Gay. Kiya Ghareeb Aadmi Jail Main Itni Mulaqaten Kar Sakta Hay? Ye Ameer Aur Ghareeb Kay Liye Alag Alag Qanoon Ki Misaal Hay.
Unhon Ne Mazeed Kaha Ke Nawaz Sharif Ko Jail Main Tamam Sahuliat Dastyab Theen, Main Nay Wo Jaga Dekhi Hay Jahan Nawaz Sharif Qaid Thay.
Nawaz Sharif Ko Dec 2018 Main Al Azizia Reference Main 7 Saal Qaid Ki Saza Sunai Gayi Thi Jis Kay Baad Wo 24 December 2018 Say 29 October 2019 Tak Lahore Ki Adyala Jail Main Qaid Rahay Thay. October 2019 Main Islamabad High Court Nay Medical Ground Per Un Ki Saza Muattal Kartay Huye 8 Hafton Ke Liye Mulk Se Bahar Janay Ki Ijazat Di Thi. Nawaz Sharif Tab Se Ab Tak London Main Muqeem Hain.