Army Chief General Qamar Javed Bajwa Ke Khilaf Tweet Karne Per Giraftar Kiye Janay Walay PTI Senator Azam Khan Swati Ka 2 Roza Jismani Remand Manzoor Kar Liya Gaya.

Azam Swati Ne Adalat Main Paishi Ke Moqay Per Kaha Ke FIA Ki Hirasat Main Un Per Tashaddud Kiya Gaya Aur Kapray Utaray Gaye. Unhon Ne Kisi Qanoon Ki Khilaf Warzi Nahi Ki.

Azam Khan Swati Ko Raat FIA Cyber Crime Cell Ne Un Ke Ghar Se Giraftar Kiya Tha.

FIA Ke Mutabiq PTI Senator Par Army Chief Samait Riyasati Idaron Ke Khilaf Nafrat Angez Aur Dhamki Amez Tweet Karnay Ka Ilzam Hay.

Senator Azam Khan Swati Ne Shehbaz Sharif Aur Hamza Shehbaz Ke Khilaf Money Laundering Ka Case Khatam Honay Per Army Chief Ko Mubarakbad Di Thi.

Tweet Main Unhon Ne Likha Tha Ke “Bajwa Sahib, Aap Ko Aur Aap Ke Kuch Logon Ko Mubarakbad. Aap Ka Mansuba Waqai Kaam Kar Raha Hay Aur Mulk Ki Qeemat Per Tamam Mujrim Azad Ho Rahay Hain. In Thagon Ki Azadi Ke Zariye Aap Ne Corruption Ko Jaaiz Qarar De Diya. Aap Ab Is Mulk Ka Kiya Mustaqbil Dekhtay Hain?

Senator Azam Swati Ko Islamabad Ki District Session Court Ke Senior Civil Judge Shabbir Bhatti Ki Adalat Main Paish Kiya Gaya.

Adalat Ne 2 Roza Remand Manzoor Kartay Huye Azam Swati Ka Medical Karwa Ke 15 October Ko Paish Karne Ka Hukum Diya Hay.

شیئر

جواب لکھیں