Bangladesh Kay Khilaf Match Jeetnay Kay Baad Pakistan Kay Captain Babar Azam Ki Press Conference Main Us Waqt Maza Aa Gaya, Jab Aik Journalist Nay Tv Host Aftab Iqbal Kay Baray Main Aik Sawal Kar Dia.
Journalist Ka Kehna Tha Ke Aftab Iqbal Keh Rahay Hain Ke As A Captain Aap Theek Nahi Chal Rahay. Is Tarah Ki Batein Sun Kar Kitna Afsos Hota Hay?
Jawab Detay Huay Babar Azam Nay Kaha Ke Mujhay Nahi Pata Aap Kis Ki Baat Kar Rahay Hain. Jin Ka Aap Naam Lay Rahay Hain, Main To Unhain Janta Bhi Nahi.
Kuch Din Pehlay Aftab Iqbal Nay Apnay Program Main Kaha Tha Ke Wo Babar Azam Ko Star Player Nahi Mantay Kiunke Un Ke Ego Problems Hain. Wo Doosray Players Say Khaar Khanay Laga Hay. Ye Afsos Balkay Sharam Ki Baat Hay.
Aftab Iqbal Kay Is Bayan Par Social Media Par Buhat Hungama Hua Tha, Laikin Babar Nay Aaj Sahi Jawab Dia Hay, Yani Kuchh Na Bhi Kaha, Sub Keh Bhi Gaey!