Pakistan Nay New Zealand Tri Series Kay Final Say Pehlay Apna Last Match Bhi Jeet Lia Hay. Bechara Bangladesh Puray Tournament Main Aik Match Bhi Nahi Jeet Saka Aur Yahan Last Chance Bhi Zaya Kar Dia. Pakistan Nay Is Match Main 7 Wickets Say Kamyabi Hasil Ki, Laikin Margin Par Na Jaen, Pakistan Nay Last Over Ki 5th Ball Par Target Hasil Kia.
Pakistan Ko Last 2 Overs Main 14 Runs Ki Zarurat Thi Laikin 19th Over Main Sirf 6 Runs Banay Aur Mohammad Rizwan Ki Wicket Bhi Chali Gai. Yoon Match Phans Gaya, Yahan Tak Ke Last Over Ki 5th Ball Par Nawaz Nay Winning Shot Laga Dia.
Aik Aur Babar-Riz Winning Century Partnership
174 Runs Chase Kartay Huay Pakistan Kay Liay Formula Wohi Purana Raha, Ke Openers Ziada Runs Banaen, Aur Middle Order Par Ziada Depend Na Kia Jaey. T20i Main Babar Aur Rizwan Nay Apni 8th Century Partnership Banai, Aur Jab Bhi Aisa Hua Pakistan Jeeta Hay.
Captain Babar Nay 40 Balls Par 55 Runs Banaey, Aur Rizwan Kay Sath Mil Kar Pakistan Ko 101 Runs Ka Start Dia. Rizwan 19th Over Tak Crease Par Mojood Rahay, Laikin 56 Balls Par 69 Runs Bana Kar Out Ho Gaey.
Nawaz, Pakistan Ka Trump Card
Mohammad Rizwan Aur Babar Azam Ki Century Partnership Aik Taraf, Laikin Is Match Main Decisive Role Tha Mohammad Nawaz Ka. Unhon Nay 5 Fours Aur Pakistani Innings Kay Only Six Ki Madad Say 20 Balls Par Not Out 45 Runs Banaey. Is Tarah Babar-Rizwan Partnership Ko Zaya Nahi Honay Dia.
Nawaz Nay Aaj Phir Khud Ko Sabit Kia. Asia Cup Main India Kay Against Unhon Nay 20 Ball 42 Runs Banaey Thay, Aur Ab Bangladesh Kay Khilaf Bhi. Lagta Hay Wo World Cup Main Pakistan Kay Liay Aik Trump Card Sabit Hon Gay.
Bangladesh: Aik Forgettable Tournament
Toss Jeet Kar Batting Kartay Huay Bangladesh Nay Litton Das Kay 69 Aur Captain Shakib Al Hasan Kay 68 Runs Ki Madad Say 173 Runs Banaey. Donon Nay 55 Balls Par 88 Runs Ki Partnership Ki Aur 5 Sixes Bhi Lagaey.
Bangladesh Kay Liay Ye Buhat Bura Tournament Raha, Jis Main Wo Aik Match Tak Nahi Jeet Saka. Pakistan Kay Khilaf 1st Match Main 21 Runs Say Haara, Phir New Zealand Ka Hathon 8 Wickets Aur 48 Runs Ki Defeats Aur Ab Pakistan Ka Hathon Last Match Bhi Nahi Jeet Saka. World Cup Ki Is Say Kharab Tayari Ho Nahi Sakti.
Khair, Tri Series Ka Final Ab Friday Ko Pakistan Aur New Zealand Kay Darmian Khela Jaey Ga.