PTI Say Nikalay Gaye Sabiq MNA Faisal Vawda Nay Da’wa Kiya Hay Kay Imran Khan Ko 2 Khaas, 3 Saanp Aur Kuch Keeray Imran Khan Ko Kisi Aur Dagar Par Lay Ja Rahay Hain.

Twitter Paigham Main Un Ka Kehna Tha Kay Apnay Quaid Imran Khan Ko Samjhata Raha, Batata Bhi Raha Nishandahi Karta Raha Kay Un Ki 26 Saal Ki Siyasi Mehnat Ko 2 Khaas, 3 Saanp Aur Kuch Keeray Kisi Aur Dagar Lay Ja Rahay Hain. Jis Say Mulk Ko Nuqsan, PDM Ko Faida Aur Idaron Say Mahaz Arai Hui. Hum Samjhotay Kay Bohat Qareeb Thay.

Faisal Vawda Nay Kaha Kay Wo Jald Un Logon Kay Naam Samnay Layen Gay.

Is Say Pehlay Faisal Fawda Nay 26 October Ko Arshad Sharif Kay Qatal Kay Mutaliq Aik Press Conference Ki Thi Jis Main Unhon Nay Dawa Kiya Tha Kay Unhain PTI Kay Long March Main Lashen Hi Lashen Aur Janazay Hi Janazay Nazar Aa Rahay Hain. PTI Main Kuch Aasteen Kay Saanp Hain. Long March Ki Aarr Main Khoon Bahany Ki Sazish Ki Ja rahi Hay.

Is Press Conference Kay Baad PTI Nay Faisal Vawda Ki Party Rukniat Muatal Kar Di Thi Aur Unko Show Casuse Notice Jari Kia Hay.

Share.

Leave A Reply