Dekha Jo Kha Kay Teer Kameengah Ki Taraf

Apnay Hi Doston Say Mulaqat Ho Gayi

Urdu Ka Ye Mashhoor She’r Pakistan Kay Kisi Aur Leader Ko Yaad Aata Ho Ya Na Aata Ho, PTI Kay Chairman Imran Khan Ko Aksar Yaad Aata Hoga.

Imran Khan Akelay Hi Chalay Thay Janib-e-Manzil Magar, Log Saath Aatay Gaye Aur Qafila Banta Gaya. Lekin Is Qafilay Main Aisay Log Bhi Shamil Hotay Gaye Jo Mukhlish Nahi Bulkay Kisi Mafad Kay Liye Un Kay Saath Chalay Tha. Safar Kay Dauran Aisay Chehron Say Naqab Utrtay Gaye. Kai Puranay Saathi Saath Chhor Kar Mukhalifon Ki Safon Main Ja Milay. In Main Akbar S Babar, Javed Hashmi, Jahangir Tareen, Aleem Khan Jesay Naam Bhi Shamil Thay. In Main Taza Tareen Izafa Hua Hay Faisal Vawda Ka.

Raftar Bharne Do

PTI Rehnuma Aur Sabiq Wifaqi Wazeer Faisal Vawda Nay Budh Ki Raat 8 Bajay Twitter Par Ailan Kiya Kay Wo Raat 9 Bajay Aik Press Conference Main Arshad Sharif Kay Qatal Kay Raaz Say Parda Uthayen Gay.

Faisal Vawda Nay Press Conference Main Kai Daway Kiye. Un Ka Kehna Tha Kay Arshad Sharif Kay Qatal Ki Sazish Pakistan Main Tayyar Hui. Magar Un Kay Qatal Main Establishment Ya Siyasi Log Mulawis Nahi. Arshad Sharif Kay Tou Establishmet Say Rabtay Main Thay Aur Pakistan Wapas Aanay Ko Tayyar Thay. Saazishi Logon Nay Unhen Dara Aur Gumrah Kar Kay Mulk Say Bahar Janay Ka Kaha. Unhi Logon Nay Arshad Ko Kenya Bhijwaya Aur Wahan Us Kay Liye Farm House Ka Intezam Kiya. Faisal Vawda Nay Ye Bhi Da’wa Kiya Kay Arshad Shareef Ko Gari Kay Andar Say 2 Golian Mari Gayeen.

Faisal Vawda Nay Kisi Ka Naam Nahi Liya Lekin Ishara Kiya Kay Party Main Aasteen Kay Saanpon Kay Mutaliq Wo Chairman Ko Aagah Karaty Rahay Hain. Faisal Vawda Is Kay Baad Asal Muday Par Aa Gaye. Kaha Long March Ki Aar Main Sazish Ki Ja Rahi Hay. Wo Laashen Hi Laashen Aur Janzay Hi Janazay Dekh Rahay Hain. Long March Main Kuch Khaas Logon Ko Bhi Mara jaye Ga. Awam Har Cheez Par Labbaik Kahen Lekin Kisi Kay Liye Be Gunah Na Maren. Ye Press Conference Khoon Kharaba Roknay Kay Liye Hay.

Faisal Vawda Ki Press Conference Kin Kay Isharon Par Hui Is Kay Isharay Mukahlfeen Ki Safon Say Milnay Shuru Ho Gaye Thay. Press Conference Se Pehlay Hi PML N Ki Hina Pervez Butt Nay Tweet Kar Diya Kay Aaj Imran Niazi Ko Surprise Milnay Wala Hay.

PML N Ki Tarjuman Samjhi Janay Wali Ghareeda Farooqi Nay Bhi Likha Kay PTI Kay Bayaniye Say Hawa Nikalnay Wali Hay. Bus 9 Bajay Tak Ka Intezar Kijye.

Daal Main Kala Batanay Wali Aik Aur Baat Ye Bhi Thi Kay PTV Jo PTI Kay Kisi Bhi Rehnuma Ki Press Media Talk Nahi Dikhata, Hata Kay Imran Khan Ki Bhi, Usi PTV Nay Vawda Ki Presser Live Dikhai.

Zaraye Ka Ye Bhi Kehna Hay Kay Wifaqi Wzir Maryam Nawaz Nay TV Channels Ko Call Kar Kay Faisal Vawda Ki News Conference Dikhanay Ka Kaha.

Raftar Bharne Do

Kai Sahafion Kay Mutabiq Un Ko Press Conference Ka Dawat Nama Bhi Sarkari Idaray PID Ki Taraf Say Bhehja Gaya.

Ye Sab Kam Tha, Kay Press Conference Kay Kuch Hi Dair Baad London Main Baray Mian Sahib Nay Faisal Vawda Kay Bayan Ko Bunyad Bana Kar Imran Khan Kay Long March Par Tanqeed Ki.

Faisal Vawda Nay Koshish Tou Puri Ki Magar Un Ka Manjan Bik Nahi Saka. Twitter Par Foran Un Kay Khilaf Reaction Shuru Ho Gaya.

PTI Rehnuma Ali Zaidi Nay Likha Kay Vawda Nay Long March Ko Nuqsan Pohnchanay Ki Koshish Ki. Saaf Hay Kay Un Ko Imported Government Nay Launch Kiya Hay. Asad Umar Nay Us Par Tweet Kiya Kay Fausal Vawda Ka Bayan Party Policy Nahi Hay. Imran Khan Ki Hidayat Par PTI Sindh Kay Sadar Vawda Ko Show Cause Notice Diya Ja Raha Hay.

PTI Rehnumaon Nay Kaha Kay Mukhalifeen Laakh Sazish Kar Lain, Long March Ho Kar Rahay Ga.

Share.

Leave A Reply