Imran Khan Nay Arshad Shairf Kay Qatal Par Adalati Tehqiqat Karanay Ka Mutalba Kiya Hay.

Twitter Paigham Main Imran Khan Nay Arshad Sharif Kay Qatal Ki Muzammat Kartay Huye Likha Kay ‘Arshad Sharif, Jinhon Nay Sach Bolnay Ki Hatmi Qeemat Apni Jaan Say Ada Ki, Un Kay Bahimana Qatal Par Behad Sadmay Main Hun. Unhen Mulk Chhorna Para Magar Bairun-e-Mulk Panah Kay Dauran Bhi Unhon Nay Social Media Par Sach Bolnay Aur Taaqatwar Logon Ko Bay Naqaab Karnay Ka Silsila Jari Rakha. Un Ki Maut Par Puri Qaum Aaj Halat-e-Sog Main Hay.’

Imran Khan Nay Mazeed Kaha Kay ‘Arshad Sharif Kay Apnay Bayanat Aur Deegar Zaraye Say Milnay Walay Shawahid Ki Partaal Kay Liye Bazabta Adalti Tehqiqaat Ka Ehtimam Kiya Jaye. Jo Log Tanqeed Kartay Hain Aur Ghalat Kamon Ko Bay Naqaab Karnay Ki Jasaarat Kartay Hain Un Kay Khilaaf Taqatwar Tanbqat Ki Saffakiat Is Satah Tak Gir Chuki Hay Jis Ka Kisi Muhazzab Muashray Main Tasawwur Tak Mahaal Hay. Meri Duayen Aur Hamdardian Unkay Sogwar Ehl-e-Khana Kay Saath Hain.’

Imran Khan Shaheed Arshad Sharif Kay Ehl-e-Khana Say Taziat Kay Liye Un Kay Ghar Bhi Pohnchay.

Share.

Leave A Reply