Pakistan Tehreek Insaaf Kay Chairman Imran Khan Nay Kaha Hay Kay DG ISI Kaan Khol Ker Sun Lo Kay Main Sirf Mulk Ki Khatir Chup Hoon,Yeh Nahi Chahta Kay Mulk Kay Idaray Kamzor Hoon.

Lahore Main PTI Kay Haqeeqi Azadi March Kay Shurka Say Pehlay Khitaab Main Imran Khan Nay Kaha Kay DG ISPR aur DG ISI Ki Thursday Ko Press Conference Main Sara Nishana Imran Khan Tha. Imran Khan Nay Sakh Andaz Main Kaha Kay DG ISI Kaan Khol Ker Sun Lo, Main Jo Cheezain Janta Hoon,Apnay Mulk Ki Khatir,Aur Idaron Ki Khatir Chup Hoon Aur Bolta Nahi Hoon.

Chairman PTI Ka Kehna Tha Kay Hum Nay Hamesha Pur Aman Long March Kiya Hay Aur Iss Dafa Bhi Pur Aman Rahain Gay. Unhonay Yeh Bhi Wazaah Kerdia Kay Long March Kay Sath Maujod Loog Sirf Un Areas Main Jaein Gay Jahan Janay Ki Un Ko Ijazat Di Gaei Hay.

Imran Khan Nay Mazeed Kaha Kay Koi Qanoon Nahe Torain Gae Aur Red Zone Main Nahi Jaein Gay,PTI Nay Hamesha Qanoon Ki Paasdari Ki Hay.

Apnay Khitaab Main Unhonay Kaha Kay Nawaz Sharif Ki Tarhan Bhagora Nahe Hoon Jo London Jaker Pakistan Army Ko Bura Bhala Kehta Raha.

Unhonay Bataya Kay Mera Jeena Marna Pakistan Kay Liye Hai, Aisa Mulk Daikhna Chahta Hoon Jo Aik Azad Mulk Ko,Azad Mulk Kay Liye Taqatwar Fauj Chaheye Kion Kay Ager Fauj Kamzoar Hoti Hay Tou Mulk Ki Azadi Chali Jati Hay.

Imran Khan Nay Kaha Kay DG ISI Jaab Hum Tanqeed Kertay Hain Tou Ye Tameeri Tanqeed Hoti Hay Aur Aap Ki Behtari Kay Liye Kertay Hain, Mulk Ko Nuqasaan Nahi Pohchana Chahtay

Share.

Leave A Reply