T20 World Cup Ka Super 12 Round Shuroo Hua To Sab Keh Rahay Thay Group 1 To ‘Group Of Death’ Hay Aur Group 2 To ‘Qasam Say Halwa Hay Halwa’, Laikin Ye To Mirchon Ka Halwa Nikla, Especially Pakistan Kay Liay.

2 Last Ball Thrillers Kay Baad Har Pakistani Ka Dil Toot Chuka Hay, Laikin Pareshan Na Hon, Hamari World Cup Campaign Ab Bhi Zinda Hay. Jee Haan! Pakistan T20 World Cup Kay Semi Final Tak Puhanch Sakta Hay, Agar……… Ye Aik Lambi Kahani Hay.

Aap Nay Ghabrana Nahi!

To Sab Say Pehlay To Aap Nay Ghabrana Nahi. Ye Har Barray Tournament Ki Kahani Hay Ke Pakistan Phans Jata Hay Aur Phir Depend Karta Hay Doosri Teams Kay Results Par. To Ab Bhi Kuchh Aisa Hi Hay. Pehlay Step 1 To Ye Hay Ke Pakistan Ko Baqi Teenon Matches Jeetnay Hon Gay. Pehlay Netherlands Ko Harana Hoga, Phir South Africa Ko Aur Aakhir Main Bangladesh Ko Bhi.

Us Kay Baad Kia Hoga? Is Kay Liay Hamain Karna Parray Ga Intizar Doosri Teams Kay Matches Ka.

Pakistan Ka Formula

Pakistan Kay Liay Formula Bilkul Simple Hay. Usay Baqi Saray Matches Jeetnay Hain. Aur Dua Karni Hay Ke South Africa India Say Haar Jaey. Aur Zimbabwe Bhi Apnay Baqi 2 Matches Haray.

Agar South Africa Aur Zimbabwe Nay Apnay Last 3 Main Say 2 Matches Jeet Liay To Group Buri Tarah Phans Jaey Ga.

Top 2 Par Kaun?

Agar Group 2 Main Points Table Dekhain To Is Waqt India Top Par Hay. Donon Matches Jeetay Hain Aur Net Run Rate Bhi 1.425 Hay. Jo Achha Hay, Laikin South Africa Ki Takkar Ka Nahi.

ICC T20 World Cup 2022

Points Table

Group 2

MWLN/RPTNRR
Raftar Bharne Do India220041.425
Raftar Bharne Do South Africa210035.200
Raftar Bharne Do Zimbabwe210130.050
Raftar Bharne Do Bangladesh21102-2,375
Raftar Bharne Do Pakistan20200-0.050
Raftar Bharne Do Netherlands20200-1.625

Unlucky South Africa Zimbabwe Kay Khilaf Aik Pakki Jeet Say Mehroom Hua Tha. Barish Ki Waja Say Usay Aik Yaqeeni Point Nahi Mil Saka Tha. Laikin Next Match Main Us Nay Bangladesh Ko Urra Kar Rakh Dia Tha Aur Apnay Run Rate Ko 5.200 Tak Puhancha Dia. Is Run Rate Ko To Beat Karna Buhat Mushkil Hay Is Liay Kahani Run Rate Par Aai To South Africa Final-4 Main Hoga.

To Filhaal Top 2 Teams Ye Hain, Aur Har Group Say Top 2 Hi Semi Final Main Jaen Gi.

Zimbabwe Ka Chance

Mazay Ki Baat Ye Ke Zimbabwe Ka Semi Final Khelnay Ka Chance Bhi Mojood Hay. South Africa Kay Against Aik Lucky Point Milnay Aur Pakistan Kay Khilaf Tareekhi Jeet Nay Un Ko Bhi Zinda Kar Dia Hay. Is Waqt South Africa Ki Tarah Zimbabwe Kay Bhi 3 Points Hain. Ab Usay Apnay Next Matches Main Bangladesh Aur Netherlands Ko Harana Hoga. Aur Dua Karna Hogi Ke South Africa Pakistan Aur India Donon Say Haar Jaey.

Barish Ka Factor

T20 World Cup Main Ab Tak Barish Ka Kirdar Buhat Ziada Hay. Super 12 Stage Main Ab Tak 5 Matches Barish Ki Zadd Main Aaey Hain Aur 4 Ka To Result Hi Nahi Nikla. Is Liay Ab Agar 1,2 Aur Matches Main Aisa Ho Gaya To Soorat-E-Haal Aur Buhat Kharab Ho Jaey Gi.

Pakistan 2 Jeetay Huay Matches Harnay Kay Baad Pakistan Shell-Shocked Hay. Is Liay Us Kay Liay Situation Itni Aasan Nahi Hogi. Laikin Pakistan To Unpredictable Hay, Kuchh Bhi Kar Sakta Hay. Ho Sakta Hay 13 November Ko Melbourne Main Final Khel Raha Ho? Kyunke ‘92 Main Bhi Aisa Hi Hua Tha’. 😉

Share.

Leave A Reply