Wo Thaka Nahi, Wo Jhuka Nahi, Wo Datta Hua Hay Mahaz Par.

Chairman PTI Imran Khan Ka ‘Haqeeqi Azadi Long March’ Jari Hay. Dusray Din Ka March Kahatm Karnay Say Pehlay Imran Khan Nay Raftar Say Khusui Guftugu Ki.

Imran Khan Ka Kehna Tha Kay Agar Siyasat Hoti Tou Main Thak Jata, Ye Mulk Ki Haqeeqi Azadi Ki Jang Hay, Ye Choron Aur Zalimon Say Azad Honay Ki Jang Hay Tou Mujh Main Wohi Energy Hay Jo Cricket Khailnay Walay Dinon Main Thi.

Raftar Nay Sawal Kiya Kay Aap Nay Tou Ab Sab Kay Naam Le Liye Hain, Ab Peechay Reh Kiya Gaya? Is Par Imran Khan Nay Kaha Kay Hum Sirf Ye Chahtay Hain Kay Jo Kuch Ho Qanoon Kay Dairay Main Reh Kar Ho. Azam Swati Ko Ghair Qanooni Pakar Kar Custodial Torture Kiya Gaya Jis Ki Koi Qanoon Ijazat nahi Deta. Wo Khud Ko Qanoon Say Upar Samjhen Tou Us Ki Dunya Main Kahin Ijazat Nahi Hoti, Aisa Sirf Banana Republic Main Hota Hay.

Imran Khan Nay Mazeed Kaha Kay Hum Apnay Tamam Shehrion Aur Un Kay Bunyadi Huqooq Ka Tahaffuz Chahtay Hain.

Share.

Leave A Reply