Pakistan Tehreek Insaaf Kay Long March Kay Doraan Wazirabad Per Imran Khan Kay Container Per Firing Hoi. Imran Khan Qatilana Hamlay ( Murder Attempt ) Main Zakhmi Hoay Hain. Aik Shaks Kay Hanbahaq Honay Ki Tazdeek Hoi Hay. 14 Afraad Zakhmi Hoay Hain Jis Mai PTI Kay Leaders Bhi Shamil Hain. Mubayana Hamla Awar Ko Giraftar Kerliya Gaya.

Wazirabad Kay Allahwala Chowk Main Thursday Afternoon Ko Imran Khan Kai Container Per Firing Hoi. Details Kay Mutabiq Imran Khan Mamoli Zakhmi Hoay Hain. Dr. Yasmeen Rashid Nay Imran Khan Kay Zakhmi Honay Ki Tazdeek Ki Hay. Italaat Hain Kay Imran Khan Kay Dono Paun Per Goli Lagi Hay.

Firing Kay Baad, Imran Khan Nay Ibtidai Tibi Imdaad Miltay Hi Lahore Rawanay Hotay Hoay Container Say Bahar Aker Hath Hilaya Jis Kay Baad Unko Shaukat Khannum Hospital Muntaqil Kernay Kay Liya Rawana Kerdia Gaya.

PTI Version

Tehreek Insaaf Kay Leaders Ka Bhi Kehna Hay Kay Imran Khan Ki Dono Tangon Per Goli Lagi Hay. PTI Leader Fawad Chaudary Nay Tazdeek Ki Hay Kay Faisal Javed Firing Say Zakhmi Hoay Hain.

Shahbaz Gill Nay Tweet Kertay Hoay Kaha Hay Kay Imran Khan Hamari Red Line Hain Aur Aaj Hamari Red Line Cross Kernay Ki Koshish Ki Gaei. Unhonay Kaha Kay Aap Imran Khan Ko Abhi Jantay Nahi Hain, Woh Akhiri Sans Taak Laray Ga Aur Iss Ki Qoum Bhi Akhiri Sans Tak Laray Gi. Shahbaz Gill Nay Kaha Kay Yeh March Her Surat Jari Rahay Ga Aur Haqiqi Azadi Ki Jang Jari Rahay Gi.

Social Media Per Viral Honay Wali Tweet Main Dekha Jasakta Hay Kay Hamla Awar Container Ki Taraf Pistol Kerkay Firing Ker Raha Hay. Iss Doraan Aik Shaks Uss Ka Hath Paker Ker Neechay Kerta Hay.

Iss Doraan, Container Kay Atraaf Bhagdar Mach Gaey Aur Log Apni Janain Bacha Ker Bhagnay Lagae.

Social Media Per Viral Aik Aur Video Main Dekha Jaskata Hay Kay Imran Khan Container Kay Oper Tehreek Insaaf Kay Deegar Leaders Kay Maujoud Thay.

Iss Doraan Achanak Firing Shuru Hogaei Aur Imran Khan Samait Container Per Kharay Hoay Tamaam Afrad Neechay Baith Gaey.

Fori Toar Per Afratafri Aur Bhagdar Machnay Say Logon Ki Cheekh o Pukaar Bhi Sunai Dai Rahi Hay.

Senator Fawad Chaudary Nay Kaha Hay Kay Pehlay Imran Khan Sahab Ko Daikh Lain,Phir Long March Ka Faisala Hoga.

Faisal Javed Nay Hospital Mai Tibi Imdaad Kay Baad Bataya Kay Saab Kay Liye Dua Kerain , Allah Imran Khan Ki Hifazat Kerai.

Attack Kaisay Hoa

Social Media Per Viral Aik Aur Video Main Dekha Jaskata Hay Kay Imran Khan Container Kay Oper Tehreek Insaaf Kay Deegar Leaders Kay Maujoud Thay.

Iss Doraan Achanak Firing Shuru Hogaei Aur Imran Khan Samait Container Per Kharay Hoay Tamaam Afrad Neechay Baith Gaey.

Fori Toar Per Afratafri Aur Bhagdar Machnay Say Logon Ki Cheekh o Pukaar Bhi Sunai Dai Rahi Hay.

Imran Khan Per Hamla Kernay Walay Sakhs Nay Bataya Kay Ager Police Walay Hamla Awar Ko Paker Ker Nahi Laijatay Tou Uss Ko Mardaita.

Hamla Awar Nay Apnay Video Statement Main Kaha Kay Imran Khan Loogon Ko Gumrah Ker Rahay Thay,Iss Liye Un Per Hamlay Ki Mansobabandi Ki. Uss Nay Daw’aa Kiya Kay Koi Meray Peechay Nahi Hay Aur Meray Sath Koi Nahi Tha.

Hamla Awar Nay Yeh Bhi Kaha Kay Akaila Motorbike Per Aya Tha Aur Woh Mamo Ki Dukaan Per Khari Kerdi Thei.

Government Reaction

Prime Minister Shehbaz Sharif Nay Imran Khan Per Hamlay Ki Mazamat Ki Hay Aur Interior Ministry Rana Sana Ullah Ko Incident Ki Inquiry Ki Hidayat Ki Hay.

Nawaz Sharif Aur Maryam Nawaz Nay Bhi Imran Khan Per Firing Kay Waqiye Ki Mazamat Ki Hay Aur Zakhmiyun Kay Liye Dua Ki.

Fawad Chaudary Nay Tweet Kertay Hoay Kaha Hay Kay Yeh Hamla Imran Khan Per Baqaida Mansoba Bandi Kay Sath Kiya Gaya. Unhonay Yeh Bhi Kaha Kay Yeh 9 mm Pistol Ka Fire Nahi Balkay Automatic Weapon Ka Burst Tha.

Share.

Leave A Reply