Pakistan Ka Weather Change Honay Wala Hay. Abhi Monsoon Ki Barishon Ki Yaadain Taza Hi Thein Kay Met Office Nay Mausam e Sarma Main Barishon Ki Khabar Suna Di Hay.

Met Office Nay Kaha Hay Kay Karachi, Lahore, Islamabad Main Sardion Ki Pehli Barish Ka Imkaan Hay.

November Ki 5 Tareekh Say Gujranwala, Gujrat, Jhelum, Rawalpindi Main Bhi Barish Ka Imkan Hay Jo 7 Nov Ki Subah Tak Jari  Rah Sakti Hay.

Iss Kay Ilawa, 5th Aur 6th November Ko Pothohar Region Main Tez Barish Ka Imkan Hay.

Agar Sindh Ki Baat Karian Tou 6th Say 7th November Ko Interior Sindh, Balochistan Main Barish Ka Imkan Hay.

Pak Weather Website Kay Mutabiq Karachi Main 7th Aur 8th November Ko Barish Ka Imkan Hay.

Met Office Ki Janib Say Bataya Gaya Hay Kay Chitral, Dir, Swat, Mansehra, Abbotabad, Malakand, Kashmir , Gilgit Baltistan Main 4th November Ki Raat Say 7th Nov Tak Barish Jab kay Paharon Par Mausam e Sarma Ki Pehli Barf-bari Ka Imkaan Hay. Islamabad, Lahore, Murree, Khyber Pakhtunkhawa Kay Upper Areas Main November Say Pehli Barish Aur Paharon Par Barfbari Ka Imkan Hay.

Share.

Leave A Reply