30 October Ki Shaam Kamoke Jatay Hoay Long March Kay Rastay Main Imran Khan Kay Container Kay Neechay Aakar Channel 5 Ki Khatoon Reporter Sadaf Naeem Jaan Bahaq Hogayin.
Monday Ki Subha Pakistan Tehreek Insaaf Kay Chairman Imran Khan Nay Sadaf Naeem Kay Ghar Jaker Unn Ki Walida Say Tazeyat Ki.
Iss Mouqay Per Imran Khan Ka Kehna Tha Kay Allah Ki Marzi Say Samnay Dunya Khari Nahi Hoti, Jis Tarhan Yeh Waqiya Hoa Who Afsoosnaak Hay.
Unhonay Sadaf Ki Family Ko Bharpor Tawun Ka Yaqeen Dilaya.
Lahore Kay Ilaqay Ichra Ki Rihaishi Sadaf 2 Bachoon Ki Maa Thein. Unn Ki Namaz e Janaza Aur Tadfeen Raat Gaei Kerdi Gaei.
Imran Khan Nay Haadsay Kay Baad Container Rukwa Diya Tha Aur Container Say Neechay Utar Kar Jaye Haadsa Par Puhanchaay. Imran Khan Ka Kehna Tha Baad Qismati Say Aik Haadsa Howa Jis Ke Waja Say Aaj (Sunday) Ka March Rokna Para Hai, Kal ( Monday ) Kamoke Say Dobarah March Shuru Hoga.