Pakistan Tehreek Insaaf Kay Rehnuma Azam Swati Nay Press Conference Main Kai Baray Inkishafaat Kerdiye. Unhonay Pakistan Army Kay 2 Hazir Service Afsaran Kay Naam Lay Diye Aur Un Per Tashaddud Ka Ilzam Lagadiya.

Islamabad Main Azam Swati Nay Dhuwan Dhar Press Conference Main Apnay Oper Tashaddud Kernay Per Tehqiqaat Ka Mutalba Kerdia.

Unhonay Kaha Kay Aik Senior Parliamentarian Aur Pakistani Citizen Per Constitution Aur Law Ki Khilaafwarzi Kertay Hoay Major General Faisal Aur Sector Commander Faheem Nay Tashaddud Kerwaya,Iss Liye Un Ko Uhday Say Hataya Jaei.

PTI Leader Nay Sawal Uthaya Kay FIA Ko Jawab Dena Hoga Kay Kis Kay Kehnay Per Meray Khilaaf FIR Kaati Gaei.FIA Nay Kis Kay Kehnay Per Ghar Per Ghair Qanoni Raid Ki Aur Ghar Walon Kai Samnay Mujhae Mara Gaya.

Unhonay Rana Sana Aur Current Government Ko Choutay Adakar Qaraar Diya.

Azam Swati Nay Kaha Kay Meray Jism Per Jo Maar Peet Kay Nishanaat Thay, Who Doctors Nay Kis Kay Kehnay Peer Saaf Kerdiye.

Azam Sawati Nay Mazeed Kaha Kay Kuch Log Pori Army Ko Badnam Ker Rahay Hain, Ye Mulk Kay Her Siah Safaid Kay Malik Hain , Kion Kay In Ko Koi Pochnay Wala Nahi Hai.

PTI Leader Nay COAS General Qamar Javaid Bajwa Ko Mukhatib Kertay Howey Kaha Kay Aaj Pori Qoum Apki Taraf Daikh Rahi Hay, Her Siasi Karkun Ye Mutalba Kerta Hay Kay ISI Political Wing Ko Apni Retirement Say Pehly Dafan Kia Jaye.

Share.

Leave A Reply