American Sadar Joe Biden Ke Pakistan Se Mutaliq Bayan Ke Baad Pakistan Ne Shadeed Ehtijaj Kiya Hay. Islamabad Main American Safeer Ko Daftar-e-Kharja Talab Kar Kay Démarche Diya Jaye Ga.
Wazir-e-Kharja Bilawal Bhutto Zardari Ne Press Conference Kartay Huye Kaha Tha Kay US Ambassador Ko Bayan Par Wazahat Karnay Ka Kaha Jaye Ga.
Deegar Siyasi Rehnumaon Ki Janib Se Bhi Biden Kay Bayan Par Muzammat Ka Silsila Jari Hay.
Imran Khan Ke Biden Se Swalat
Sabiq Wazir-e-Azam Imran Khan Ne Twitter Per Likha Ke Meray Biden Se 2 Sawal Hain.
1: Biden Hamaray Atomic Program Kay Baray Main Kis Information Ki Bunyad Per Is Ghalat Natijay Par Pohnchay? Main Wazir-e-Azam Reh Chuka Hun Aur Janta Hun Ke Hamara Nuclear Command And Control Syestem Mehfooz Tareen Hay.
2: Pakistan Ne Nuclear Power Ban’nay Kay Baad Kab Aggresion Ka Muzahira Kiya Hay? Jabke America Tou Dunya Bhar Main Jangon Main Mulawis Raha Hay.
Imran Khan Ne Mazeed Likha Ke Biden Ka Bayan Imported Hukumat Ki Nakam Foreign Policy Ka Natija Hay.
Nawaz Sharif Bhi Bol Paray
Nawaz Sharif Ne Tweet Kiya Ke Pakistan Aik Zimmedar Atomic Riyasat Hay Jo Aalmi Qawaneen Aur Tareeqon Per Amal Kartay Huye Apnay Qaumi Mafadat Ka Tahafuz Karnay Ki Salahita Rakhta Hay. Hamara Nuclear Program Kisi Mulk Kay Liye Khatra Nahi Hay.
Wifaqi Wazir-e-Tawani Khurram Dastgir Nay Bhi Amercian Sadar Kay Bayan Par Radd-e-Amal Diya.
Aik Press Conference Main Un Ka Kehna Tha Kay Joe Biden Ka Shukook Ka Izhar Bilkul Ghalat Hay.
Biden Ne Pakistan Main Tabdeeli Ki Wajah Bata Di, Sheikh Rashid
Sheikh Rasheed Nay Kaha Kay America Ka Asal Nishana Hmara Nuclear Program Hay. Joe Biden Ke Bayan Ne Pakistan Main Tabdeeli Ki Wajah Bata Di Hay. Jin Kay Paisay Aur Jaidaden Unkay Mulkon Main Hain, Unko Atomic Technoligy Ki Parwah Nahi Hay.
Fawad Chaudhry Nay Joe Biden Se Bayan Wapas Lenay Ka Mutalba Kiya.