By-Election Kay Baad PTI Chairman Imran Khan Nay Pehli Bar Media Say Guftgu Ki. Un Ka Kahna Tha Kay Election Ki Date Na Di Gai To October Main Hi Long March Ka Aylan Kar Doon Ga. March Ki Tarikh October Say Agay Nahi Jaey Gi. Long March Ki Tayyari Mukamal Kar Li Gai Hay. Rana Sana Hamain Nahi Rok Saktay, Kion Kay Wo Hamari Planning Nahi Jantay. Aik Bar Awam Sarkon Par Nikal Aay To Is Ki Koi Zamaanat Nahi Kay Result Kia Niklay Ga.
Un Ka Kahna Tha Ke Back Door Muzakrat Hoey Laikin Chezain Clear Nahi Hoin.
Imran Khan Nay By-Election Ko Awam Ka Hukomat Kay Khilaf Referendum Qarar Diya Hay Aur Kaha Ke Pakistan Peoples Party Nay NA-237 Karachi Main Dhandli Ki, ECP Wahan Dobara Election Karwaey.
Un Ka Kehna Tha Kay Azam Khan Swati Par Tashadud Kay Sath Sexual Tashadud Bhi Kiya Giya, Is Mamlay Ko World Forums Par Uthaen Gay.