Supreme Court Main Imran Khan Kay Khilaf Taheen-e-Adalat Ki Hukumati Darkhwast Ki Samaat Hui.
Attorney General Nay Adalat Say Imran Khan Ka Long March Roknay Kay Liye Uboori Hukum Jari Karnay Ki Darkhwast Ki Jo Adalat Ne Radd Kar Di.
Chief Justice Umar Ata Bandiyal Nay Sawal Kiya Kay Uboori Hukun Kiyun Dain? Attorney General Nay Jawab Diya Kay Imran Khan Taleemi Idaron Main Talaba Ko Uksa Rahay Hain Aur Islamabad Par Charhai Ko Jehad Qarar De Rahay Hain.
Chief Justice Nay Kaha Kay Aap Ko Liberty Hay Kay Qanoon Kay Mutabiq Iqdamat Karen.
Unhon Nay Mazeed Kaha Kay Jamhuriat Leadership Quality Paida Karti Hay. Hum Nay Hamesha Qanoon Ki Baat Ki Hay. Hum Political Actors Nahi Hain Aur Na Siyasi Iqdamat Le Saktay Hain.
Adalat Nay Case Ki Mazeed Sama’at 26 October Tak Multawi Kar Di.