Islamabd Police Ki Janib Say Pakistan Tehreek-e-Insaf Ke MNA Saleh Muhammad Khan Ki Aik Tasveer Jari Ki Gai Jis Main Un Kay Galay Main Takhti Latki Hui Thi Jesa Kay Mujrimon Kay Galay Main Hoti Hay.
Saleh Muhammad Ko Islamabad Main Election Commission Ke Daftar Kay Bahar Se Giraftar Kiya Gaya Tha. Un Par Ilzam Lagaya Gaya Tha Kay Saleh Muhammad Ke Kehnay Per Un Kay Guard Nay Firing Ki.
.
Islamabad Police Ki Janib Se Saleh Muhammad Ki Tasveer Jari Karnay Par PTI Rehnuma Aur Karkun Barham Hain Aur Isay Sharamnak Amal Qarar Day Rahay Hain.
Imran Khan Nay Press Conference Main Islamaabad Police Kay Amal Ki Muzammat Ki.
Fawad Chaudhry Nay Likha Kay Ye Rukn-e-Qaumi Assembly Kay Saath Sulook Hay, Aisa Tou Kalbhushan Aur Ahsan Ullah Ahsan Kay Sath Bhi Nahi Kiya Gaya Tha.
Apni Nafrat Main Mulk Ko Aag Main Jhonk Rahay Ho.
Social Media Par Tasveer Viral Honay Kay Baad IG Islamabad Doctor Nasir Akbar Khan Nay Mutaliqa CRO In Charge Aur Mulawis Ehalkar Ko Muattal Kar Diya. SSP Operations Ko Inquiry Ka Hukum Bhi Diya Gaya Hay.