PTI Chairman Imran Khan Ka Kehna Hay Kay Hamaray Back Door Mazakraat Huye Magar Koi Nateeja Nazar Nahi Araha. Jummay Ko Long March Ki Tareekh Ka Elaan Karun Ga .


Bani Gala Mein Senetor Azam Swati Ki Stah Press Conference Karte Huye Un Ka Kehna Tha Agar Ye Mujhe Pakar lain Gay To Kia Long March Nahi Ho Ga? Agar Ye Ehtijaj Ka Rasta Rokain Gay Tou Mulk Band Ho Jaye Ga, Ye Faisla Karlen Kia Chahtay Hain, Hum March Ki Tayyariyan Kar Rahay Hain, Hamara Long March Baqi March Se Bilkul Mukhtalif Hoga, March Ke Liye Qaum Main Betabi Dekh Raha Hon.

Un Ka Kehna Tha Yaqeen Hay Ye Election Ki Tareekh Ka Elan Nahi Karen Ge. Jummay Tak Long March Ki Tareekh Ka Elan Kar Dun Ga. PTI Chairman Ne Kaha Ke Aisay Na Maloom Afraad Hain Jin Ka Naam Letay Huye Sab Dartay Hain, Ye Mulk Ko Faida Nahi Pohncha Rahay, Yeh Mulk Kay Dushman Hain.

PTI Chairman Nay Kaha Ke Social Media Ke Larke Kahtay Hain Ke Inhen’ Namaloom Afraad’ Utha Kar Le Jatay Aur Tashadud Kar Ke Chhor Detay Hain, Ye Sab Is Liye Kiya Ja Raha Hay Ke Mere Khilaaf Bayan Liye Ja Sakay Magar Wo Is Mein Kamyaab Nahi Ho Rahay.

Aik Sawal Ka Jawab Detay Huye Imran Khan Nay Back Door Baat Cheet Ki Tasdeeq Kartay Huye Kaha Ke’ Siyasi Jamaaton Se Back Dor Mazakraat Mamool Ki Baat Hay Magar Mujhe Ab Koi Nateeja Nazar Nahi Araha Kyunkay Hum Mulk Mein Jamhuriat Ki Bahaali Ka Mutalba Kar Rahay Hain.

Share.

Leave A Reply