Rukan Qaumi Assembly Ki Giraftari Ke Liye Speaker Ki Manzoori Laazmi Ho Gi, Qaumi Assembly Main Tarameem Manzoor Kar Li Gayeen.

Qawaid Main Tarmeem Ki Tehreek Pakistan Muslim League (PMLN) Kay MNA Murtaza Javed Abbasi Nay Paish Ki.

Manzoor Shuda Tarameem Main Kaha Gaya Hay Kay Kisi Bhi Rukn-e-Assembly Ki Giraftari Say Pehlay Assembly Kay Speaker Say Ijazat Lena Aur Giraftari Kay Baad Tehweel Main Rakhnay Kay Maqam Say Bhi Aagah Karna Zaroori Hoga .

Sath Hi Kisi MNA Ko Qaumi Assembly Ke Ihatay Say Girftar Karne Par Pabandi Hogi.

Wazeer Difaa Khwaja Asif Nay Tajweez Di Kay Arkaan Kay Production Order Laazmi Jari Karne Ko Bhi Tarmeem Ka Hissa Banaya Jaye Aur Girftar Rukan Assembly Kay Production Order Jari Honay Par Parliment Lodges Main Is Kay Ghar Ko Sub Jail Qarar Diya Jaye Ga.

Khwaja Asif Ki Yeh Tajaweez Bhi Tarameem Main Shaamil Ki Gayeen.

Qaumi Assembly Ne Rukan Assembly Ki Giraftari Se Mutaliq Qawaid Main Tarameem Ki Tehreek Aksariyat Raye Say Manzoor Kar Li Gayi.

Share.

Leave A Reply