Twitter Ki Dunya Main Elon Musk Ka Raj Shuroo Ho Chuka Hay. 44 Arab Dollars Say Ye Social Media Company Khareednay Kay Baad Ab Musk Wo Sub ‘Problems’ Solve Karnay Chalay Hain, Jin Par Wo Hamesha Baat Kartay Thay. Yani Twitter Main Sakht Moderation, Bots Khatam Karna Aur Buhat Say Doosray Issues.

Filhaal Twitter Kay CEO Aur CFO Ki Chhutti Ho Chuki Hay. Kuchh Ajeeb Faislay Bhi Liay Gaey Hain. Jaisa Ke Verified Account Say Charges Lainay Ka Faisla. Khair, Buhat Sari Tabdeelian Buhat Tezi Say Aa Rahi Hain. Aur Lagta Hay Aap Bhi Elon Musk Kay Twitter Par Aanay Say Pareshan Hain. Tension Na Lain, Hum Hain Na! Hum Aap Ko Bataen Gay Best Twitter Alternatives.

Pehlay To Clear Kardain Ke Twitter Ko Replace Karna Hay Mushkil. Leikin Kuchh Alternatives Zarur Mojood Hain, Jahan Aap Apni Posts Aur Social Activity Kar Saktay Hain. To Best Twitter Alternatives Main Pehla Naam Hay Mastodon Ka. 

Mastodon 

Best Twitter Alternatives - Mastodon 

Ye Bilkul Twitter Ki Tarah Hay, Laikin Open Source Hay. Yani Na Aap Ko Ye Pareshani Hogi Ke Is Ka Malik Koi ‘Ulta Seedha’ Aadmi To Nahi. Yahi Baat Mastodon Ko Sub Say Alag Aur Sub Say Juda Banati Hay. 

Ye Twitter Ka Aik Decentralized Alternative Hay. Is Par Koi Ad Nahi Aata. Aur Feed Par Kya Nazar Aana Chahiye? Is Ka Faisla Bhi Aap Kartay Hain. Na Koi Corporation Peechay Say Fedd Kar Sakti Hay Aur Na Hi Algorithms Ka Chakkar Hay. User Interface Twitter Jaisa Hay. Hashtags Bhi Hain. News Kay Liay Aik Special Section Bhi Hay. Hamary Khayal Main Ye Twitter Ka Best Alternative Hay. 

Reddit 

Best Twitter Alternatives - Reddit

Best Twitter Alternatives Main Ab Aik Buhat Famous Forum Reddit. Agar App Internet User Hain To Aap Nay Zaroor Reddit Ka Naam Suna Hoga. Ye Sub Say Maqbool Forum Style Website Hay. Isay Online Community Chalati Hay. Ye Website Different Topics Ko Subreddits Main Divide Karti Hay. Har Kisi Kay Apnay Rules Hain Aur Pehlay Wo Content Nazar Aata Hay Jisay Zyada Votes Milay Hon. Aap Bhi Kisi Content Ko Upvote Ya Downvote Kar Saktay Hain. Website Sub Posts Ko Un Ki Maqbooliat Kay Lihaz Say Hi Prioritize Karay Gi. 

Reddit Ka News Aur Post Aggretagor Twitter Jaisa To Nahi, Laikin Ye Aik Zabardast Network Zaroor Hay. Ap Asani Say Faisla Kar Saktay Hain Ke Aap Kya Parhna Chahtay Hain. Phir Taqreeban Har Subject Par Subreddits Mojood Hain. Voting Aisi Posts Say Bhi Bachati Hay Jo Community Ko Pasand Nahi.

Cohost 

Best Twitter Alternatives - Cohost.org

Aik Aur Social Network Hay Cohost, Jo Twitter Say Buhat Milta Julta Hay, Laikon Zyada Controlled Philosophy Kay Sath Kaam Karta Hay. Mastodon  Ki Tarah Is Par Bhi Ads Nahi Aatay Aur Company Data Bhi Sell Nahi Karti. Is Par Koi Algorithm Nahi. Jo Aap Dekhna Chahtay Hain, Us Ka Faisla Aap Hi Karain Gay. 

Facebook 

Best Twitter Alternatives - Facebook

Aap Samajh Rahay Hon Gay Ke Hum Shayad Mazaq Kar Rahay Hain, Kyunke Facebook Kay Maslay To Twitter Say Bhi Zyada Hain. Laikin Such Ye Hay Ke Facebook Twitter Ka Achha Alternative Hay. Koi Social Network Chahay Kitna Hi Achha Kyun Na Ho, Agar Aap Kay Friends Aur Family Members Wahan Na Ho To Faida? Twitter Say Hut Kar Facebook Aisa Platform Hay Jahan Aap Ko Sub Mil Jaen Gay. Is Ki Community Guidelines Bhi Kafi Strict Hain. Khair, Koi Cheez Perfect Nahi Hoti, Laikin Facebook Koshish Karta Hay Ke Sub Kuchh Control Main Rahay.

Share.

Leave A Reply