Aik Aur Big Match Aur Asif Ali Ka Aik Aur Big Failure.
Aaj To Asif Aey Bhi Easy-Peasy Situation Main. Pakistan 164 Runs Chase Kar Raha Tha Aur Hyder Ali Aur Mohammad Nawaz Apna Kaam Kar Chukay Thay, Bus Zarurat Thi Aik Finishing Touch Ki. Asif Aaey Aur 2nd Ball Par Hi Catch Day Kar Chalay Gaey, Sirf Aur Sirf 1 Run Bana Kar.
Pakistan Baad Main Mohamad Nawaz Aur Iftikhar Ahmed Ki Waja Say Jeet To Gaya, Laikin Asif Ki Big Matches Main Fail Honay Ki Kahani Jari Hay.
Jee Haan! Aisa Pehli Baar Nahi Hua. Last Year T20 World Cup Kay Semi Final Main Jab Asif Khelnay Aaey To Pakistan 158 Runs Bana Chuka Tha. Umeed Thee Kay Wo Kuchh Big Shots Khailain Gay, Laikin Wo First Ball Par Hi Out Ho Gaey. Pakistan Baad Main Ye Match Haar Bhi Gaya.
Phir Asia Cup 2022 Kay Final Main Bhi. Pakistan 171 Runs Chase Kar Raha Tha. Asif Ali Crease Par Aaey To Pakistan Ko Un Say Performance Ki Sakht Zarurat Thi, Laikin Wo Aaey Aur Aik Baar Phir Khaya First Ball Duck.
Ab Tri-Series Ka Final Aaya To Jesi Umeed Waisi Performance, Asif Ali Say Phir Kuchh Nahi Hua.
Asif Ali Ab Tak 54 T20i Matches Khel Chukay Hain, Yani Buhat Chances Mil Chukay Hain. Laikin Na Koi Fifty Hay Aur Na Koi Big Match Performance. Akhir Aisa Kab Tak Chalay Ga?
Asif Ali T20i Career
| Mat. | Runs | HS | Ave. | SR | 100s | 50s |
|---|---|---|---|---|---|---|
| 54 | 542 | 41* | 15.48 | 134.49 | 0 | 0 |