T20 World Cup 2022 Say Pehlay Pakistan Ka Last Warm-Up Barish Ki Waja Say Zaya Ho Gaya.
Afghanistan Kay Khilaf Ye Match Brisbane Main Khela Ja Raha Tha, Jis Main Pakistani Chase Kay 3rd Over Main Hi Aisi Barish Shuroo Hui Ke Phir Match Dubara Na Ho Saka.
Is Say Pehlay Pakistan Nay Toss Jeet Kar Pehlay Bowling Ka Faisla Kia Tha. Afghanistan Sirf 19 Runs Par 3 Out Ho Janay Kay Baad Muhammad Nabi Ki Captain Innings Aur Usman Ghani Kay Sath 7th Wicket Par 72 Runs Ki Partnership Nay Afghanistan Ko 154 Runs Tak Puhancha Dia.
Nabi Nay Sirf 37 Balls Par 1 Six Aur 5 Fours Kay Zariye 51 Runs Baney. Usman 20 Balls 32 Kay Sath Not Out Wapis Aaey.
Pakistan Ki Janib Say Shaheen Afridi Nay Donon Afghan Openers Ki Wickets Leen. Rehmanullah Gurbaz Un Ki Aik Kamal Yorker Par Out Huay Aur Sath Hi Buri Tarah Zakhmi Bhi Ho Gaey. Haris Rauf Nay Bhi 2 Players Ko Out Kia.
Chase Main Pakistan Nay Abhi 2.2 Overs Hi Khelay They Ke Barish Aa Gai, Aur Match Dubara Shuroo Nahi Ho Saka.
Yahi Nahi Balke South Africa-Bangladesh Aur New Zealand-India Match Bhi Barish Ki Waja Say Nahi Ho Saka.