Birthday Boy Babar Kay Records

Aaj Hay 15 October, Babar Azam Ka Birthday. Aur Ye Birthday To Buhat Hi Special Raha, Kiunke Isay Manaya T20 World Cup Kay Sub Captains Nay.

Ji Haan, World Cup Say Pehlay Trophy Kay Sath Sub Captains Ka Photo Session Hua. Jis Main Australia Kay Captain Aaron Finch Babar Azam Ka Birthday Cake Lay Kar Aa Gaey. Phir Tamam Captains Nay Aik Special Birthday Party Ki. India Kay Rohit Sharma Say Lay Kar New Zealand Kay Kane Willamson Tak, Sub Is Party Main Shareek Thay, Jinhon Nay Gaaya ‘Happy Birthday To You Babar!”. Yani Ye Aik Buhat Unique Moment Tha.

Aik Special Player Ki Special Birthday. Babar Azam Ki Birthday Main Dunya Bhar Kay Captains, Rohit Say Williamson Tak Sub! Happy Birthday @babarazam258! pic.twitter.com/mozK4hTJKS #BabarAzam #T20WorldCup #Rafta

— Raftar (@raftardotcom) October 15, 2022

Babar Is Waqt One Day International Main No. 1 Batsman Hain. Phir Test Aur T20i Format Main Bhi Top 3 Main Shamil Hain, Yani Only Player Jo Sub Rankings Main Top 3 Main Hain. Phir Un Kay Paas Kai Records Bhi Hain. Aaen Aaj Babar Ki Birthday Par Un Kay Kuchh Records Dekhtay Hain.

Highest ODI Average For Pakistan

Babar Azam ODI Main Sirf No. 1 Batsman Hi Nahi, Balkay Wo Pakistan Kay Liay Sub Say Ziada Batting Average Bhi Rakhtay Hain. 92 Matches Main Babar Nay 4664 Runs Banaey Hain Aur Un Ka Average 59.79 Hay. Ye South Africa Kay Rassie Van Der Dussen Aur Netherlands Kay Ryan Ten Doeschate Kay Baad Kisi Bhi Batsman Ka Sub Say Ziada Average Hay, Yani Kisi Pakistani Batsman Ka Highest Average Hay.

Highest ODI Batting Average

	Mat.	Runs	Ave.
Rassie Van Der Dussen	38	1525	69.31
Ryan Ten Doeschate	33	1541	67.00
Babar Azam	92	4664	59.79
Virat Kohli	262	12344	57.68
Michael Bevan	232	6912	53.58

Tez Tareen 4000 Runs For Pakistan

Babar Azam Nay March 2022 Main Australia Kay Against Apnay 4000 ODI Runs Complete Kiay Thay. Wo Sirf 82 Innings Main Is Milestone Tak Puhanchay. Hashim Amla Ka World Record To Nahi Torr Sakay Laikin Pakistan Kay Liay Fastest 4000 ODI Runs Zaroor Bana Liay. Is Say Pehlay Ye Record Mohammad Yousuf Kay Paas Tha Jinhon Nay 110 Innings Main 4000 Runs Banaey Thay.

Babar Azam becomes the second fastest to complete 4000 runs in ODI history (innings) - he has 56.93 average and 89.40 strike rate. pic.twitter.com/e7JrgHWSpk

— Johns. (@CricCrazyJohns) March 29, 2022

Fastest to 4000 ODI Runs

	Mat.	Innings	Time
Hashim Amla	84	81	5y 274d
Babar Azam	84	82	6y 302d
Vivian Richards	96	88	9y 311d
Shai Hope	96	88	5y 204d
Joe Root	97	91	4y 261d

CENTURIES, Wo Bhi Musalsal!

Babar Azam Nay Sirf 22 Saal Ki Umar Main Consecutive 3 ODI Centuries Banai Theen. 2016 Main West Indies Kay Khilaf Series Main Unhon Nay Musalsal 3 Matches Main 120, 123 Aur 117 Runs Ki Innings Khaili Theen. Is Tarah Un Ka Naam Zaheer Abbas Aur Saeed Anwar Jaisay Players Kay Saath Aa Gaya. Zaheer Abas Nay 1982-83 Main Aur Saeed Anwar Nay 1993 Main 3 Consecutive ODI Centuries Banai Theen. Laikin Babar Aik Lihaz Say Un Say Aagay Nikal Gaey. Unhon Nay Series Main 360 Runs Banaey Aur You 3 Matches Ki Kisi ODI Series Main Sub Say Ziada Runs Ka World Record Banaya.

#OnThisDay in 2016, @babarazam258 became the third 🇵🇰 batter to score three successive ODI 💯s 👏

He later became the first batter to record 3️⃣ consecutive centuries in ODIs on two separate occasions.

🎥 Relive Babar's tons against the West Indies in the UAE 6️⃣ years ago ✨ pic.twitter.com/Kbv21hYfOL

— Pakistan Cricket (@TheRealPCB) October 5, 2022

Most Runs in 3 Matches ODI Series

	Series	Runs	HS	Ave.
Babar Azam	Pak v WI 2016	360	123	120.00
Imrul Kayes	Ban v Zim 2018	349	144	116.33
Quinton de Kock	SA v Ind 2013	342	135	114.0
Martin Guptill	NZ v Eng 2013	330	189*	330.00
Tamim Iqbal	Ban v Pak 2015	312	132	156.00

Virat Kay Barabar

England 17 Saal Baad Pakistan Kay Tour Par Aaya Aur Is Series Main Babar Nay Aik Barra Record Banaya. Unhon Nay Apnay 3000 T20i Runs Complete Kiay Aur India Kay Virat Kohli Ka 81 Innings Main Fastest 3000 T20i Runs Ka Record Barabar Kia.

A superb strike to get to a special milestone 🔥#PAKvENG | #UKSePK pic.twitter.com/HKLWgwK5J9

— Pakistan Cricket (@TheRealPCB) September 30, 2022

Fastest To 3000 T20i Runs

	Mat.	Innings	Time
Virat Kohli	87	81	10y 275d
Babar Azam	86	81	6y 23d
Aaron Finch	98	98	11y 270d
Martin Guptill	105	101	12y 261d
Rohit Sharma	116	108	14y 50d

Consecutive 50+ Innings In International Cricket

Consecutive 50+ Innings In International Cricket

Babar Kay Paas Aik Aur Unique Record Hay. Unhon Nay International Cricket Main Yani All Formats Main 9 Consecutive 50+ Ki Innings Khaili Hain.

Australia Kay Khilaf Karachi Test Main 196 Runs Ki Famous Innings Khailnay Kay Baad Unhon Aglay Matches Main 5 Fifties Aur 3 Hunderds Bhi Banai Theen. Ye Aik Consecutive Matches Main 50+ Ki Innings Ka New World Record Hay.

Babar Azam Consecutive 50+ Innings

Runs	vs	At	Date
196	Australia	Karachi	12 Mar 2022
67	Australia	Lahore	21 Mar 2022
55	Australia	Lahore	21 Mar 2022
57	Australia	Lahore	29 Mar 2022
114	Australia	Lahore	31 Mar 2022
105*	Australia	Lahore	2 Apr 2022
66	Australia	Lahore	5 Apr 2022
103	West Indies	Multan	8 Jun 2022
77	West Indies	Multan	10 Jun 2022