Pakistan Team T20 World Cup Ka Final Na Jeet Saki. Batters Ne Mutasir Kun Performance Nahi Dikhai Lekin Bowlers Ne Sab Ke Dil Jeet Liye. Aik Chotay Total Ke Ba Wajood Puri Mehnat Ki Aur Match Ko Dilchasp Bana Diya.
Sadar-e-Mumlikat Arif Alvi, Wazir-e-Azam Shehbaz Sharif Aur Deegar Siyasat Daano Ne Bharpoor Muqaabla Karne Par Qaumi Team Ki Karkardagi Ko Saraha.
Sadar Arif Alvi Ne Final Ke Fori Baad Tweet Kya. Likha Ke Umda All Rounder Karkardagi Ka Muzahira Karte Huye World Cup Jeetnay Par England Ko Mubarak. Pakistan Team Aap Ne Acha Khela, Kam Score Ke Bawajood Achi Bowling Ki Aur Apni Poori Koshish Ki.
Wazir-e-Azam Shehbaz Sharif Ne Twitter Par Bayan Jari Karte Huye Kaha Ke Pakistani Team Ne Bahaduri Se Muqabla Kya Aur Behtareen Bowling Ka Muzahira Kiya. Aaj England Ki Team Ziyada Acha Kheli. Is Mega Tournament Ke Final Mein Pohnchnay Par Humein Pakistani Khilarion Par Fakhr Hai.
Pakistan Muslim League (Nawaz) Ki Janib Se Tweet Kya Gaya Ke Aap Champions Ki Tarha Khailay. Hamaray Liye Aap Hamesha Champion Hain.
Pakistan Tehreek Insaaf (PTI) Ne Likha Ke Pakistan Ki Behtareen Team Par Fakhr Hai. Aaj Team Pakistan Ne Shaandar Muqabla Kya.
Ameer-e-Jamaat Islami Siraj ul Haq Ne Pegham Diya Ke World Cup Ke Douran Yak Jaan Ho Kar Shandaar Koshish Ki Aur Zabardast Khail Paish Kya. Khail Mein Haar Jeet Hoti Rehti Hai. Qaum Ko Aap Par Fakhr Hai.
PTI Ke Rehnuma Asad Umar Ka Kehna Tha Ke Pakistani Team Tournament Mein Bohat Acha Kheli. Taham Aakhir Mein Mehdood Overs Ki Duniya Ki Sab Se Behtareen Team England Ne Kamyabi Haasil Ki.