Aur Karachi Apni Bharpoor “Attacking Cricket” Kay Bawujood Doosra Match Bhi Haar Gaya. KK v IU Match Mein 174 Runs Ka Target Day Kar Bhi Karachi Jeet Nahi Saka, Aur 'Sheru' 4 Wickets Say Jeet Kar PSL 8 Mein Apna Khaata Khol Gaey.
Pakistan Super League 2023
Karachi Kings vs Islamabad United
16 February 2023
National Stadium, Karachi, Pakistan
Result: Islamabad 4 Wickets Say Jeet Gaya
| 🟦 KK | 173-7 | |
|---|---|---|
| Haider Ali | 59 (45) | |
| Irfan Khan | 19 (11) |
| IU Bowling | O | M | R | W |
|---|---|---|---|---|
| Rumman Raees | 4 | 0 | 26 | 2 |
| Mohammad Wasim | 4 | 0 | 38 | 2 |
| 🟥 IU | (T:174) | 178-6 |
|---|---|---|
| Colin Munro | 58 (28) | |
| Azam Khan | 44 (28) |
| KK Bowling | O | M | R | W |
|---|---|---|---|---|
| Mohammad Amir | 4 | 0 | 30 | 2 |
| Muhamamd Musa | 4 | 0 | 48 | 2 |
Pehlay Batting Milnay Par Karachi Kings Nay History Mein Pahli Baar Powerplay Mein 50 Runs Banaey. Tabhi Andaza Ho Gaya Tha Ke Unhain At Least 200 Runs Bananay Hongay, Warna Islamabad United Ki Mighty Batting Line Unhain Kha Jaey Gi.
Turning Point
14 Overs Mein 2 Wickets Par 115 Runs Hi Banay Thay Ke Match Ka Turning Point Aa Gaya, Pehlay Apni First Ever PSL Fifty Bananay Walay Kings Kay Haider Ali Out Huay Aur Next Over Mein Mohammad Wasim Nay Consecutive Deliveries Par Matthew Wade Aur Imad Wasim Ko Out Kardia.
Ducks Hi Ducks
Captain Imad Wasim Apnay PSL Career Mein 10th Martaba Duck Ka Shikar Huay. Waisay Hi Ye Record Un Kay Paas Tha, Ab Ye Record Mazeed “Behtar” Hogaya Hay.
Munro Show in Karachi
Khair, Karachi Ki Innings 173 Runs Tak Puhanch Gai Aur Is Score Ko Defend Karnay Kay Liay Extra Ordinary Bowling Karna Thi. Pehlay 4 Overs Mein Sirf 21 Runs Hi Banay, Yaheen Next Wicket Bhi Gir Gai. Karachi Kay Paas Golden Chance Tha, Laikin Colin Munro Aaey Aur Aatay Hi Chha Gaey. Unhon Nay Aatay Hi 3 Fours Lagaey Aur James Fuller Ko Bhi Tika Kar Sixes Lagaey.
Munro Ki 28 Balls Par 58 Runs Ki Fiery Innings Nay Karachi Ko Milnay Wala Early Advantage Khatam Hi Kardia. Rassie Van Der Dussen Kay Sath 59 Aur Phir Azam Khan Kay Sath Mazeed 56 Runs Joray. Islamabad United 15th Over Mein 136 Runs Tak Puhanch Gaya. Agar Munro Run Out Na Hotay To Shayad Match Kaheen Pehlay Khatam Ho Jata. Un Ki Innings Kay Sixes To ‘Uff’ Thay.
Shikast Ki Aik Aur Waja
Karachi Ki Shikast Ki Aik Waja Us Ki Fielding Bhi Thi, Jo Aaj Up To The Mark Nahi Thi. Unhon Nay 2 Catches Chhoray, Waisay To Ye Paul Stirling Aur Rassie Van Der Dussen Kay Drops Itnay Mehngay To Sabit Nahi Huay Laikin Phir Bhi Aasan Catches Chhornay Say Team Par Jo Pressure Aaya, Wo Baad Mein Nazar Bhi Aaya.
Kab Khoon Khaulega Re Tera?
Karachi Aakhri Martaba 2020 Mein Islamabad Say Jeeta Tha. Us Kay Baad 2021 Aur 2022 Donon Seasons Mein Aik Match Tak Nahi Jeet Saka, Aur Is Season Ka Aghaz Bhi Haar Kay Sath Kia Hay. Lagta Hay Shikast Karachi Kings Kay Daman Say Aisi Chipak Chuki Hay Ke PSL Mein Last 13 Mein Say 12 Matches Haaray Hain. Jis Kay Baad Yahi Kaha Ja Sakta Hay “Kab Khoon Khaulega Re Tera?”