Aur Imad Wasim Aik Baar Phir 0 Par Out Ho Gaey.
Islamabad United Kay Against Aik Important Match Mein Karachi Kings Kay Captain Us Waqt Duck Ka Shikar Huay Jab Team Ko Un Ki Buhat Zarurat Thi. 16Th Over Mein Jab Innings Ko Launch Karna Tha, Tab Mohammad Wasim Ki Consecutive Balls Par Matthew Wade Aur Imad Wasim Donon Out Ho Gaey.
Youn Imad Pakistan Super League Ki History Kay First Player Ban Gaey Hain, Jo 10 Baar Duck Ka Nishana Banay Hain. Wo Is Match Say Pehlay Hi PSL Mein Most Ducks Ka Record Rakhtay Thay Aur Aaj Is Record Ko Aur “Behtar” Bana lia Hay.
Imad Wasim PSL History Mein Apni 55 Innings Mein 10 Bar 0 Par Out Huay Hain, Yani Un Ki Taqreeban Har 6th Innings 0 Par Khatam Hui Hay.
Imad Kay Baad Sab Say Zyada 8 Ducks Wahab Riaz Aur Kamran Akmal Kay Hain. Wahab 47 Innings Mein 8 Aur ‘Kami’ 74 Innings Mein 8 Ducks Kha Chukay Hain.
Cameron Delport, Shadab Khan Aur Babar Azam 6,6 Martaba 0 Par Out Huay. Delport To Sirf 38 Innings Hi Mein Six Ducks Lay Gaey. Yani Taqreeban Imad Wasim Hi Kay Barabar.
Most Ducks in PSL
2016-2023
| Inns | Runs | SR | 0 | |
|---|---|---|---|---|
| Imad Wasim | 55 | 762 | 130.92 | 10 |
| Wahab Riaz | 47 | 333 | 131.62 | 8 |
| Kamran Akmal | 74 | 1972 | 136.94 | 8 |
| Cameron Delport | 38 | 873 | 126.88 | 6 |
| Shadab Khan | 49 | 800 | 137.69 | 6 |
| Babar Azam | 67 | 2481 | 121.73 | 6 |
Karachi Kings PSL 8 Mein Apnay Donon Starting Matches Haar Kar Ab Zara Mushkil Mein Aa Chuka Hay. Team Ko Is Say Nikaalnay Mein Captain Imad Ka Role Buhat Important Hoga. Peshawar Kay Against Match Ko Aakhir Tak Lanay Mein Imad Ki Innings Crucial Thi, Is Liay Unhain Khud Ko First Ball Par Hi Jaldbazi Say Rukna Hoga.