“Kohli! Nahi Hota Tujhse Chase”, Pakistani Fans Ko Kitna Achha Lagta Hay Na Ye Jumla? Laikin Virat Nay Aik Baar Phir Sabit Kardia Hay Ke Wo Chase Ka Baap Hay!

T20 Cricket Main, Especially T20 World Cup Main Kohli Say Barra Chaser Koi Nahi. T20 World Cup Ki Poori History Utha Kar Dekh Lain, Kohli Ka Koi Muqabil Nahi, Door Tak, Balke Buhat Door Tak.

Target Chase Kartay Kohli Nay T20 World Cup Main Aaj Tak 10 Innings Kehli Hain, Jin Main Un Ka Average 270 Say Ziada Hay, Aray Runs Nahi Batting Average Hay 270. Is Bhari Bharkam Average Ki Waja Ye Hay Ke 10 Main Say 8 Innings Main Not Out Rahay Hain. Yani Match Finish Kar Kay Gaey.

Finisher Bhi Aisay Kamal Kay Ke 10 Innings Main Say 9 Winning Cause Main Raheen. RAFTAR Aisi Ke Approx. 136 Kay Strike Rate Say 541 Runs Banaey Hain. 7 Fifties, Jin Main Say 4 70+ Ki Innings Hain. Kia Baat Hay Bhaiya Kohli Ki!

Virat Kohli T20 World Cup Main

Target Chase Kartay Huay

Inns.RHSAve.SR100s50s
1054182*270.50135.9207

Innings By Innings

RB4s6svs.VenueDate
78*6182Raftar Bharne Do PAKColombo30 Sep 2012
36*3241Raftar Bharne Do PAKMirpur21 Mar 2014
544151Raftar Bharne Do WIMirpur23 Mar 2014
57*5031Raftar Bharne Do BANMirpur28 Mar 2014
72*4452Raftar Bharne Do SAMirpur4 Apr 2014
232720Raftar Bharne Do NZNagpur15 Mar 2016
55*3771Raftar Bharne Do PAKKolkata19 Mar 2016
82*5192Raftar Bharne Do AUSMohali27 Mar 2016
2*200Raftar Bharne Do SCODubai5 Nov 2021
82*5364Raftar Bharne Do PAKMelbourne23 Oct 2022

Virat Nay Apna Pehla T20 World Cup 2012 Main Khela Tha, Jis Main Pehla Chase Pakistan Kay Khilaf Tha. Colombo Main Honay Walay Is Match Main Kohli First Over Main Gautam Gambhir Kay Out Honay Kay Baad Crease Par Aaey Aur Phir 61 Balls Par 78 Runs Ki Not Out Innings Kheli.

Phir 2014 Kay T20 World Cup Main 4 Shahkaar Innings Theen. Pakistan Kay Khilaf 32 Balls 36*, West Indies Kay Khilaf 54, Bangladesh Kay Against 57* Aur Phir South Africa Kay Khilaf Semi Final Main 72* Runs. Ye Innings 173 Chase Kartay Huay Kheli Gai Thi.

2016 Main Bhi Kohli Ka Taakra Pakistan Say Hua. Unhon Nay Kolkata Main 37 Balls Par 55* Runs Ki Man Of The Match Performance Di. Phir Australia Kay Khilaf 51 Balls Par Not Out 82.

Us Kay Baad T20 World Cup Main Chase Kartay Huay Kohli Ki Ye Innings Hay Jisay Sab ‘Greatest Innings Of All-Time’ Keh Rahay Hain. Melbourne Main 53 Balls 82 Runs Ki Innings To Kohli Kay Pooray T20 Career Main Cherry On The Top Hay.

Waisay Kia Aap Nay Note Kia Ke Kohli Pakistan Kay Khilaf T20 World Cup Main Chase Kartay Huay Kabhi Out Nahi Huay? Jee Haan! T20 World Cup Ki History Main Kohli Nay Pakistan Kay Against Chase Kartay Huay 4 Innings Khaili Hain Aur Kabhi Out Nahi Huay.

RB4s6svs.VenueDate
78*6182Raftar Bharne Do PAKColombo30 Sep 2012
36*3241Raftar Bharne Do PAKMirpur21 Mar 2014
55*3771Raftar Bharne Do PAKKolkata19 Mar 2016
82*5364Raftar Bharne Do PAKMelbourne23 Oct 2022

Is Liay Agar Pakistan Ka Muqabla India Say World Cup Main Phir Ho Jaey, To Koshish Karay India Ko Pehlay Khilaey, Kyunke Agar Kohli Team Main Hay To Pakistan Kisi Bhi Total Ko Defend Nahi Kar Sakta.

Share.

Leave A Reply