Ye To Kal Kay Match Ka Replay Ho Gaya! Peshawar Zalmi 2 Runs Par 3 Out Honay Kay Baad Bhi Jeet Gaya, Aur Aaj LQ v QG Muqablay Mein Bhi Yahi Hua. Sirf 50 Runs Par 7 Out Honay Kay Baad Sikandar Raza ‘Qalandars Kay Sikandar’ Ban Kar Aaey, Score Ko 148 Runs Tak Laey Aur Lahore Qalandars Ka Baira Paar Laga Dia. Yani Ke Kamal Hi Kardia!

Consecutive 4 Matches Jeet Kar Qalandars Playoffs Kay Liay Tayaar Nazar Aatay Hain Jabke Karachi Kay Baad Aur Quetta Nay Bhi Sabit Kia Hay Ke Wo Isi Qabil Kay Ke Bottom Of The Table Rahay.

Pakistan Super League 2023

Lahore Qalandars vs Quetta Gladiators

2 March 2023

Gaddafi Stadium, Lahore, Pakistan

Result: Lahore 17 Runs Say Jeet Gaya

LQ148
Sikandar Raza71 (34)
Rashid Khan21 (20)
QG BowlingOMRW
Mohammad Nawaz30192
Naveen-ul-Haq40362
QG(T:149)131-7
Will Smeed32 (25)
Safaraz Ahmed27* (28)
LQ BowlingOMRW
Haris Rauf40223
Rashid Khan40142

Qalandars Ka Sikandar

Mohammad Hasnain Kay Baghair Khel Kar Bhi Quetta Nay Aik Dream Start Lia. Toss Jeeta, Lahore Ko Batting Di Aur Phir Tabahi Macha Di. Fakhar Zaman Kay Run Out Say Jo Kahani Shuru Hui Wo Sirf 50 Runs Par 7 Wickets Girnay Tak Ja Puhanchi. Ab Bacha Kya Tha?

Lag Raha Tha Quetta Ka Season Mein Zabardast Comeback Honay Walay Hay. Laikin Phir Sikandar Raza Aa Gaey Aur Chha Gaey. Unhon Nay Sirf 34 Balls Par 71 Runs Banaey, Wo Bhi Not Out. Rashid Khan Kay Sath 8th Wicket Par Un Ki 39 Balls Par 69 Runs Ki Partnership Nay Match Palat Kar Rakh Dia. Akhri Over Mein Zaman Khan Kay Run Out Kay Sath Innings Khatam To Ho Gai Laikin Tab Tak 148 Runs Ban Chukay Thay. Kis Nay Socha Tha Ke 50-7 Kay Baad Bhi Lahore Yahan Tak Puhanchay Ga?

Brilliant Start But…

Target Chase Kartay Huay Bhi Quetta Ka Start Buhat Acha Tha. Openers Yasir Khan Aur Will Smeed 5 Overs Mein Mein Hi Score Ko 52 Runs Tak Lay Aaey. Wo To Shaheen Afridi Kay First Spell Mein Bhi Wicket Bacha Gaey. Yahan Say Sirf Aik Hi Team Haar Sakti Thi, Team Quetta, Aur Hua Bhi Yahi.

Rashid Khan Kay Aatay Hi Runs Dried Up Ho Gaey Aur Next 5 Overs Mein Quetta Sirf 10 Runs Ka Izafa Kar Paya. Yahi Nahi Donon Openers Kay Ilawa Mohammad Hafeez Ki Wicket Bhi Di. Rashid Nay Will Smeed Kay Baad Iftikhar Ahmed Ko Bhi Out Kardia Aur Match Totally Lahore Kay Haq Mein Kardia.

Turning Point

Quetta Ko Last 7 Overs Mein 69 Runs Ki Zarurat Thi Jo Bilkul Ban Saktay Thay, Agar Martin Guptill Crease Par Maujood Rehtay. Runs Ki Raftar Barhanay Ki Koshish Mein Wo David Wiese Ki Balls Par Boundary Line Par Catch Day Kar Chaltay Banay. 80 Runs Par Hi Aadhi Team Book Ho Gai Aur Sarfaraz Wo Role Play Na Kar Sakay Jo Qalandars Ki Taraf Say Sikandar Nay Ada Kia Tha.

Consecutive 4th Defeat

Last 4 Overs Mein Quetta Ko 44 Runs Required Thay. Sarfaraz Kay Sath Mohammad Nawaz Aakhri Umeed Banay Kharay Thay Laikin Hua Kuch Nahi. ‘Saifi Bhai’ Nay Is Mauqay Par 28 Balls 27 Runs Ki Disappointing Innings Kheli Aur Quetta Aik Martaba Phir Haar Gaya, Ye Thi Gladiators Ki Musalsal 4th Shikast.

Ab Kya Hoga?

Lahore Consecutive 4th Win Kay Sath Ab Playoffs Kay Liay Taqreeban Qualify Kar Chuka Hay. Wo Ab Tak 6 Mein Say Sirf Aik Match Haara Hay Aur Us Kay Baqi Matches Sab Home Ground Par Hain. Is Liay Hum Keh Saktay Hain Ke Lahore Apna Title Defend Karnay Kay Liay Perfect Position Mein Hay.

Quetta Ab Point Of No Return Par Hay. Consecutive 4 Matches Haarnay Kay Baad Ab Us Kay Paas Ghalti Ki Koi Gunjaish Nahi. Last 4 Kay 4 Matches Jeetnay Hain Warna Last 3 Seasons Ki Tarah Playoff Mein Bhi Nahi Puhanchain Gay.

Pakistan Super League Points Table

3 Mar 2023

MWLPTNRR
🟩 LQ651101.367
🟦 MS64280.844
🟥 IU5326-0.334
🟨 PZ6336-0.896
🟦 KK72540.565
🟪 QG6152-1.768
شیئر

جواب لکھیں